القمر مكمل ببرج العقرب ♏

#الحمل

حلول لمشكلة مال وراحة ..
يوم عم تفكر فيه اكتر شي بالمال وخاصة اذا كنت عملت شراكة مع حدا وبدك تحصل على اجرك منها .. وكمان عم تزيد المصاريف عندك وحلول لمشاكل قضائية واستشفائية بهاليوم ورح تكون اريح بالمجمل ..
عاطفيا .. اتخذ قرارك بخصوص العلاقة ولاتضل معلق حالك لأن انت مو بحاجة تعب اكبر ..
■النسبة المئوية :
●مهنيا : %68
●ماليا : %77
●عاطفيا : %74
●صحيا : %71

#الثور

مدايق من الأشخاص يلي معك وشراكة جديدة ..
انت اليوم متل مرهق و اعصابك كتير تعبانة واي حركة عم تزعجك وتعصبك فلازم الكل يقدر هالشي وحتى صحتك بحاجة انتباه ..والمهم انت ابتعد عن استفزاز حدا وهدي حالك بهاليوم وفرصة لتتم شراكة اذا بدك ..
عاطفيا .. تفكير كبير بالارتباط بس ماعم تزبط معك وهالشي عملك حالة من اليأس وصار بدك حل ..
■النسبة المئوية :
●مهنيا : %69
●ماليا : %61
●عاطفيا : %64
●صحيا : %56

#الجوزاء

مسؤوليات اكبر تطورات بوضعك وقصة صحية ..
من الايام المتعبة بتشعر بضغوط كبيرة بالشغل وتراكمات بتطلع فجأة وبتزيد عليك المسؤوليات وفرصة شغل جديد .. حاول تكون جاهز وقدها وانتبهلي لراحتك وصحتك حتى ماتأثر عليك ولازم ترتب كل شي حتى ماتتأخر ..
عاطفيا .. يمكن عم تفكر تنهي علاقة ما وهالشي عم يأثر على نفسيتك حاول تدرس الامور منيح قبل ماتقرر ..
■النسبة المئوية :
●مهنيا : %73
●ماليا : %61
●عاطفيا : %57
●صحيا : %55

#السرطان

تحسن كبير بالعاطفة والحظ والوضع عندك ..
يوم ايجابي الحظوظ داعمة الك رغم كل شي مر عليك بهالشهر وعندك الحظ والفرص .. حاول تستفيد من كل دقيقة بهاليوم وادفع بمصالحك واستغل اي مشروع لان يوم منيح ضمن وضعك هالشهر ..
عاطفيا .. حاول تعيش اوقات رومنسية بدون ماتفكر كتير بالماضي ..
■النسبة المئوية :
●مهنيا : %87
●ماليا : %82
●عاطفيا : %89
●صحيا : %85

#الأسد

قصص ببيتك ومسؤوليات عائلية ..
عم تطلع عندك مشكلة بالبيت وعم تطر تتحمل المسؤولية فخليك هادي وحل الامور برواق .. بعرف انو ماعم ترتاح بس يوم وبمر فلا تخرب كل شي وحاول تساير ولاتضوج على حدا ..
عاطفيا .. انت معرض لحالات من الانفعال وهالشي بسبب مشاكل عاطفية والشريك ماعم يفهم ولا يقدر .. 
■النسبة المئوية :
●مهنيا : %66
●ماليا : %58
●عاطفيا : %63
●صحيا : %56

#العذراء

تطورات حلوة سفر واتصالات وناس ..
يوم بتطلع فيه من حالة الضغط يلي مريت فيها وبتحس انو رجعتلك طاقتك وبصير في حرية اكتر بالتعبير عندك .. بتفكر تسافر وتغير جو وبتتواصل مع محيطك بشكل افضل بكتير وبتكون مقنع ..
عاطفيا .. لاتسمع للاجواء المشحونة تخرب وضعك وخليك واثق بانك قادر تقنع الشريك بحبك اليوم ..
■النسبة المئوية :
●مهنيا : %80
●ماليا : %74
●عاطفيا : %82
●صحيا : %71

#الميزان

مصاريف زايدة وقصص بدها حسابات مالية ..
عندك ضغوط كبيرة مالية وعم تفكر من وين بدك تعوض النقص وكيف تبدا وتحل القصة .. وانتبه كمان لمصروفك وممكن تحصل على مبلغ مالي بهاليوم فلا تقلق ..
عاطفيا .. مافي شي عم يكمل معك وحاسس حالك متل الضايع وصار الحب بدل مايكون راحة تعب الك ..
■النسبة المئوية :
●مهنيا : %75
●ماليا : %82
●عاطفيا : %77
●صحيا : %71

#العقرب

يوم ايجابي وفي انفراج وحلول ..
عم تشعر بالراحة بعد ايام صعبة مرت عليك عم تطلع من هي الحالة وتكون أفضل بشكل كبير .. انت اليوم قادر تحط حد لكل شي ماضي وتفتح صفحة جديدة غير واقعك والحظ معك وطاقتك عالية فلا تخاف ..
عاطفيا .. استفيد من وجود القمر ببرجك لتحصل على فرص جديدة او ترجع شراكة قديمة الك بهاليوم ..
■النسبة المئوية :
●مهنيا : %93
●ماليا : %86
●عاطفيا : %88
●صحيا : %81

#القوس

عدم رضا وتأجيل بأمورك ..
بعرف انك مو مرتاح ابدا وكل شي عم يكون معاكس الك وحالة نفسية سيئة عم تسيطر عليك بتخليك تفكر تنهي كل شي .. بدي منك تصبر هاليوم بس وتكون بعيد عن كل شي ممكن يوترك ويتعبك ورح يمر بس بدا رواق وعدم انفعال ..
عاطفيا .. لاتسمح للضغوط تضعفك ولاتخلي الشريك يكوم سبب بزيادة زعلك مافي شي بيستاهل ..
■النسبة المئوية :
●مهنيا : %59
●ماليا : %62
●عاطفيا : %58
●صحيا : %65

#الجدي

يوم اجتماعي وعندك لقاء حلو ..
بالرغم من تواجد الاصدقاء معك ودعمن الا بس انت مو رايق وعم تحس انو مافي شي متل مابدك بهاليوم .. هالشي عم يخليك قلق ويمكن عم تبدا شغل جديد وهالشي عم يترك عليك مسؤوليات مضاعفة بدي منك تصبر وتفكر بحلول ..
عاطفيا .. ماعم يقدر الشريك ظروفك وهالشي عم يزيد التعب عليك ..
■النسبة المئوية :
●مهنيا : %79
●ماليا : %73
●عاطفيا : %80
●صحيا : %68

#الدلو

يوم مصيري تحديات بالشغل وناس مهمة ..
توتر كبير وبدك تعمل شي بس ماعم تعرف الطريقة ومشتت حاول تكون منتبه وخاصة بتعاملك مع المسؤولين .. عندك اليوم فرصة لتلاقي شغل وتفكر تعمل شي غير بحياتك وحتى الوضع العام عم يكون رغم التوتر في تحسن ..
عاطفيا .. ماتزعل على غياب الحبيب عنك وبرأيي قلة الاهتمام والاهمال بالحب مابناسبوك ..
■النسبة المئوية :
●مهنيا : %72
●ماليا : %69
●عاطفيا : %77
●صحيا : %70

#الحوت

سفر وتواصل ونجاح واشخاص جديدة ..
عم تفكر بسفر او تعمل قصة جديدة متل رياضة او دراسة بهالوقت وعم تتعامل مع ناس غريبة عنك وتتواصل معن .. وهالشي بقدملك فائدة حاول تكون متفائل ويوم ايجابي الك وفي حلول بعد ايام متعبة مرت عليك ..
عاطفيا .. قدرتك على التواصل عم تعطيك جاذبية من الجنس الآخر فاستغل هالشي ..
■النسبة المئوية :
●مهنيا : %85
●ماليا : %79
●عاطفيا : %89
●صحيا : %81

أعجبني