القمر بكمل ببرج الميزان ♎
الشمس عم تنتقل لبرج السرطان ♋

#الحمل

انفعال عندك وقصص بتزعجك هدي هاليوم ..
بعدك تعبان وضغط كتير عليك وعم تفكر بامور الشراكة وفيك تعمل عقد مع حدا بس لاتفقد هدوئك وخليك رايق .. توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان وحاول ماتستفز حدا ..
عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك
■النسبة المئوية :
●مهنيا : %63
●ماليا : %61
●عاطفيا : %69
●صحيا : %65
🌞الشمس بالسرطان : بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

#الثور

عندك كتير قصص لازم تنهيها وانتبه صحيا ..
عم تحس بالتعب وعم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم .. انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك ..
عاطفيا .. عم تنصدم باشخاص كانو كل حياتك وصارو انانيين ماهمن غير حالن ..
■النسبة المئوية :
●مهنيا : %61
●ماليا : %60
●عاطفيا : %66
●صحيا : %58
🌞الشمس بالسرطان : بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

#الجوزاء

تحسن كبير وحظ عاطفي ومهني ..
افضل عم تكون عم تتحسن امورك عم تشعر بشوية راحة وتلاقي انو بدك تعمل شي .. بادر الحظ بيدعمك اليوم واستغل الوقت والفرص المتاحة لتحصل على نتائج بترضيك ..
عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..
■النسبة المئوية :
●مهنيا : %86
●ماليا : %81
●عاطفيا : %85
●صحيا : %83
🌞الشمس بالسرطان : بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

#السرطان

قصص بالبيت عم تكون متعبة هدي الوضع ..
انت مو كتير مرتاح يمكن اهتماماتك بيتية عائلية وعندك ضغط وتعب وممكن تغيير بمكان سكنك .. كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل ..
عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..
■النسبة المئوية :
●مهنيا : %63
●ماليا : %66
●عاطفيا : %68
●صحيا : %61
🌞الشمس بالسرطان :عندك بتساعدك وبتعطيك بدايات جديدة وحظوظ وطاقة لتطلع من تعبك وبتزيد جاذبيتك وبتفرج عليك بعد شهر تعبك كتير فانتظر هالشي ..

#الأسد

تطورات حلوة حركة اتصالات وسفر ..
نشاط ويوم حلو للحركة عندك فرص حلوة للسفر وعم تكتر اتصالاتك ممكن يكون في مواعيد مهمة .. استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك وممكن تشتري موبايل وانتبه من الحوادث ..
عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو لكن حلو المشاكل بهدوء
■النسبة المئوية :
●مهنيا : %77
●ماليا : %72
●عاطفيا : %79
●صحيا : %75
🌞الشمس بالسرطان : بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

#العذراء

امور مالية ومشروع جديد ببالك ..
يوم بطيء بتهدى اليوم وعم تفكر اكتر بامور المصاري وعندك مكسب او ربح اليوم خليك جاهز .. وحاول لا تزيد مصروفك وتعامل بحذر بشغلك وبدك تعمل شي مميز وناجح وبيحملك اليوم ممكن مشروع جديد ممكن ..
عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..
■النسبة المئوية :
●مهنيا : %67
●ماليا : %78
●عاطفيا : %75
●صحيا : %71
🌞الشمس بالسرطان : بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

#الميزان

تحسن كبير انفراج وأخبار حلوة ..
انت افضل بكتير ورح تحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك .. افتح صفحة جديدة وبادر واذا بدك افتح مشروع جديد الحظ عم يدعمك ومعك ..
عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..
■النسبة المئوية :
●مهنيا : %93
●ماليا : %86
●عاطفيا : %89
●صحيا : %82
🌞الشمس بالسرطان : بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

#العقرب

يوم في قصص بتزعجك هدي هاليوم ..
مو مرتاح وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس .. لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وحاول تفكر بايجابية قدر الامكان ..
عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ ..
■النسبة المئوية :
●مهنيا : %59
●ماليا : %62
●عاطفيا : %66
●صحيا : %60
🌞الشمس بالسرطان : بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة ..

#القوس

لقاءات حلوة وأجواء اجتماعية ..
فترة حلوة ومثمرة بما يخص الاصدقاء بس انتبه من وحدتك و عندك لقاءات مع رفقاتك بتساعدك وفي صديق بيوقف حدك .. بهاليوم بتمتلك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك ..
عاطفيا .. عندك شي رح يفرحك اليوم واعجاب من صديق ممكن لكن لاتكبر المشاكل مع الشريك ..
■النسبة المئوية :
●مهنيا : %72
●ماليا : %70
●عاطفيا : %77
●صحيا : %75
🌞الشمس بالسرطان : بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

#الجدي

امور مهمة ومصيرية بتشغلك بهاليوم ..
يوم مهني مهم بس بكون صعب لازم تكون منتبه وحافظلي على سمعتك وعلاقاتك وانتبه من الحكي المخفي وكون صاحي لاي شي .. يوم ماشي حالو بس بدك تكون رايق وصاحي ودقيق لأن في ناس بدها توقعك وفرصة شغل جديد ..
عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..
■النسبة المئوية :
●مهنيا : %66
●ماليا : %68
●عاطفيا : %70
●صحيا : %63
🌞الشمس بالسرطان : بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..

#الدلو

تطورات حلوة تواصل وسفر عندك ..
ايجابي هاليوم بتحس عندك طاقة زايدة وقوة بتكتر اتصالاتك وبيتحسن وضعك .. ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك وبتتعرف على اشخاص جدد ..
عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..
■النسبة المئوية :
●مهنيا : %85
●ماليا : %82
●عاطفيا : %87
●صحيا : %80
🌞الشمس بالسرطان : بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

#الحوت

تحسن وحلول ومال بهاليوم ..
استغل هاليوم انت ذكي وعم تهتم بامورك المالية وشغلك وعندك فرصة لربح او مكسب .. بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات وحلول قضائية عندك ..
عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..
■النسبة المئوية :
●مهنيا : %65
●ماليا : %73
●عاطفيا : %70
●صحيا : %68
🌞الشمس بالسرطان : بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

أعجبني