القمر بينتقل لبرج الميزان ♎

#الحمل

يوم في شغل كتير وشراكات المسا ..
عم حس بانك مو مرتاح وفي تعب صحي عندك حاول تهدى وتريح حالك يوم في شغل كتير خلص الضروري والمسا عندك فرصة لتتم شراكة مهنية ممكن تجيك بالفائدة ..
عاطفيا .. يمكن عم تفكر بالارتباط والعلاقات الضعيفة عم تتعرض لمشاكل كتير ممكن تنهيها هي الفترة ..
■النسبة المئوية :
●مهنيا : %61
●ماليا : %63
●عاطفيا : %67
●صحيا : %59

#الثور

يوم في تحسن ببدايتو وشغل نهايتو وامور صحية ..
عم يدعمك الحظ وتحصل على اوقات مميزة بالنهار وممكن يجيك مبلغ مادي وتحس الظروف عم تساعدك لكن انتبه المسا لان رح يتراكم الشغل عليك وتتعب صحيا فحاول ترتاح ..
عاطفيا .. استغل نهارك لتعيش حبك وانتبهلي للمسا ولا تخلي حدا يستفزك ..
■النسبة المئوية :
●مهنيا : %67
●ماليا : %77
●عاطفيا : %79
●صحيا : %65

#الجوزاء

يومك بيبدا بقصص عائلية وتحسن كبير المسا ..
يوم عم تشغلك فيه امور بيتك وعيلتك وهالشي عم يوترك لكن المسا امورك افضل بكتير وتحسن عاطفي كبير واوقات حلوة ناطرتك وممكن خبر من حدا غايب ..
عاطفيا .. استغل هاليوم لتحسن علاقتك بالشريك واذا اعذب جاذبيتك زايدة فاستغل سحرك 
■النسبة المئوية :
●مهنيا : %74
●ماليا : %72
●عاطفيا : %70
●صحيا : %67

#السرطان

بتطلع وبتزيد حركتك بالنهار والمسا قصص عائلية عندك..
يوم فيه سفر وحركة واتصالات عندك عم تقدر توصل رايك وتكون مقنع لكن المسا بتتعرض لقصة عائلية بتشغلك وحاول تكون هادي وتحلها بهدوء وممكن عم تفكر تغير بيتك ..
عاطفيا .. لاتكون متسرع بحكمك على الشريك وانتظر الوقت حتى يأكدلك مشاعرو تجاهك ..
■النسبة المئوية :
●مهنيا : %68
●ماليا : %70
●عاطفيا : %73
●صحيا : %66

#الأسد

يوم ببلش بقصص مالية وبيخلص بلقاءات ..
عم تعيد حساباتك ومصروفك زايد كتير لازم تخفف كرمك شوي واحتمال تحصل على مبلغ مالي.. ونجاح وتطور مهم ناطرك المسا والامور للافضل فلا تقلق ..
عاطفيا .. حضورك وطلتك عم تكون مميزة وقادر تصل للاستقرار اذا بدك رغم كل شي..
■النسبة المئوية :
●مهنيا : %73
●ماليا : %79
●عاطفيا : %77
●صحيا : %70

#العذراء

يوم حلو وفي مال المسا ..
عم تحس انو الناس يلي معك عم تدعمك وتعزز موقعك الاجتماعي عندك كل الطاقة لتعمل خطوات جديدة ومهمة لاتتوقف لان يوم مناسب للتغيير اخر الليل عم تحسب شو صرفت وكيف لازم تتصرف ماليا ..
عاطفيا .. اعتمد على قلبك حتى تبدا رحلة حب جديدة وتعامل مع الشريك باهتمام حتى تحافظ على استقرار علاقتك ..
■النسبة المئوية :
●مهنيا : %89
●ماليا : %87
●عاطفيا : %85
●صحيا : %81

#الميزان

افضل بكرا بعد تعب بالنهار وتغييرات وانفراج المسا ..
لاتزعل وتسكر الدنيا بوجهك حاول بس تمرقلي نهار هاليوم وتعامل مع الظروف يلي عم تصير بصبر واجلها لان من المسا بتتحسن ظروفك وبتسمع خبر حلو وممكن يكون في تغيير مهم ناطرك ..
عاطفيا .. انت بحاجة لدراسة اكبر لعلاقتك حتى ماتضل تعبان وقادر تنهي اي علاقة بقرار منك ..
■النسبة المئوية :
●مهنيا : %85
●ماليا : %81
●عاطفيا : %83
●صحيا : %79

#العقرب

يوم منيح اجتماعية لكن انتبه المسا ..
اجواء اجتماعية ودعم كبير من الاصدقاء الك بس هالشي مابكفي لأن اي غلط عم تعملو رح تنقلب عليك من المسا كون متفهم للكل وحاول ما تفوت بقصص مهمة لأن رح تكون الحظوظ ضعيفة المسا ..
عاطفيا .. بدي منك هدوء وعدم اتخاذ قرار مهم بعلاقتك لأن رح يأثر على نفسيتك فحاول تروق قدر الامكان عاطفيا ..
■النسبة المئوية :
●مهنيا : %59
●ماليا : %62
●عاطفيا : %68
●صحيا : %65

#القوس

يوم مهم الصبح والمسا بتشوف شخص غالي ..
عم تحس بحاجتك لفترة من الراحة عندك القدرة تعمل شي مهم بهاليوم استغل الفرص وكون حذر من الأعداء واذا بدك شغل جديد بامكانك تلاقي هالشي اليوم ودراسيا لازمك مجهود مضاعف اما المسا فعم تكون بوضع اريح وتلاقي الدعم من الأصدقاء ..
عاطفيا .. العيون عليك حاول تعيش برومنسية لأن كتير عم تدعمك الحظوظ عاطفيا ..
■النسبة المئوية :
●مهنيا : %68
●ماليا : %66
●عاطفيا : %73
●صحيا : %63

#الجدي

يوم في نجاح وتواصل وشغل مهم ..
يمكن عم تفكر بسفر أو بحل لمشكلة عم تكون حدا متفاعل مع محيطك وخاصة مع الأشخاص الغرباء عندك قدرة تغير بحياتك ومن المسا بيتسلط الضوء على انجازاتك فكون منتبه من الناس يلي بدها بس توقعك ..
عاطفيا .. فترة مهمة لتبلش حب جديد لتطلع من دوامة الماضي لتوقف تفكير سلبي وتعيش حب واستقرار عاطفي 
■النسبة المئوية :
●مهنيا : %78
●ماليا : %73
●عاطفيا : %80
●صحيا : %75

#الدلو

يوم بيشهد تحسن تصاعدي وناس جديدة المسا ..
تعرضت الفترة الماضية لأسوء المواقف وكانت فترة مزعجة جدا على كل الأصعدة بس من هاليوم وخاصة مساءا رح تطلع من هي الحالة ورح تشعر بتحسن بحالتك ويكون عندك افكار حلوة لتبلش من جديد ..
عاطفيا .. لاتسمح للأجواء السلبية تنهي علاقتك وانتظر الحلول وبدها شوية صبر منك والمسا انت تمام ..
■النسبة المئوية :
●مهنيا : %76
●ماليا : %71
●عاطفيا : %78
●صحيا : %70

#الحوت

ضغط بالنهار وراحة وحلول المسا ..
أجواء من عدم الراحة والتوتر والمزاجية عم تتعبك كتير وعم تخليك بحالة من الاكتئاب حاول تفكر بأمور شراكتك المهنية وابتعد عن التشاؤم اما المسا فبتتعامل بامور مالية وبتحس براحة نسبية ..
عاطفيا .. مافي شي عم يكمل معك وماعم تعرف تستقر فترة صعبة شوي حاول ما تكون ضعيف وتبالغ بزعلك ..
■النسبة المئوية :
●مهنيا : %66
●ماليا : %62
●عاطفيا : %69
●صحيا : %60

أعجبني