القمر بيبقى مكمل ببرج الحوت ♓

#الحمل

بكرا أحلى مرق هاليوم وقول يا رب ..
اجلي الامور المهمة يلي بتحتاج حسم وحاول تكون هادي قدر الامكان انهي الشغل الضروري حافظ على صحتك وصبرك .. عم تعاني من حالة ركود وتعب وانتبه من احتيال او سرقة او ضياع واهدى لان في شي حلو لقدام ..
عاطفيا .. تعب ووحدة وفقدان ثقة بالشريك وعدم قدرة على استيعاب الامور انتظر ورح تفرج ..
■النسبة المئوية :
●مهنيا : %59
●ماليا : %61
●عاطفيا : %66
●صحيا : %68

#الثور

لقاء مع غالي ووضعك منيح اجتماعيا ..
يوم اجتماعي ومناسب لتطلع من جو التوتر مبسوط لامور عم تصير لصالحك عم تلتقي ناس بتحبن وتلاقي حالك قادر توصل صوتك .. استغل هاليوم وخلص الضروريات ويومك حلو بدعم الناس ..
عاطفيا .. من الايام يلي بتكون فيها ملفت للنظر وكترة الاصدقاء بتخلي قلبك افضل ..
■النسبة المئوية :
●مهنيا : %66
●ماليا : %63
●عاطفيا : %68
●صحيا : %70

#الجوزاء

يوم لامتحان او قصة مهمة لازم تخلص منها ..
يوم لتتصالح مع نفسك وتكون جاهز لاي مشكلة خاصة بالشغل وتحاول تهدى وتخفف توترك .. لاتتهور وحافظ على مكانتك وشغلك كون مرن بالتعامل اذا فيك لاتتسرع ..
عاطفيا .. انتبه من ردة فعلك تخسرك ناس غاليين عندك ودير بالك من شوية حكي عليك حتى ما تخرب العلاقة وناقش قبل ما تحكم على الامور .
■النسبة المئوية :
●مهنيا : %61
●ماليا : %65
●عاطفيا : %70
●صحيا : %71

#السرطان

يوم مميز وفي خطوات جديدة ..
نشيط وعندك وقت مميز باتصالات وسفر وحركة وعم تفكر تتقرب اكتر من ناس بهمك امرن ويوم حلو بالمجمل .. وفي عندك تطورات حلوة ووضعك بيتحسن نسبيا بس انتبه من الاعداء المخفيين ومن الناس الحاسدين ..
عاطفيا ..بكرا بدي منك تتعامل مع الحب بطريقة اكتر رومنسية ولاتصدق مين ماكان وخلي حبك اكبر من المشاكل الصغيرة ..
■النسبة المئوية :
●مهنيا : %82
●ماليا : %80
●عاطفيا : %85
●صحيا : %78

#الأسد

تطورات وتحسن بوضعك العام والمالي ..
اهدى اليوم وانتبه لمصروفك ناقش امورك وخليك متفهم يوم يمكن يحملك مكاسب مادية او اشيا الها علاقة بدين قديم .. وعندك معاملة او قصة عم تنهيها بما يخص القانون والوضع منيح ..
عاطفيا .. روق بهاليوم ورح يكون عندك حلول بعلاقتك مع الشريك ..
■النسبة المئوية :
●مهنيا : %69
●ماليا : %77
●عاطفيا : %75
●صحيا : %73

#العذراء

ناز مزعجة وماحدا عم يفهمك ..
عم تتعرض لمضايقات كتير ومتوتر طول الوقت حاول تنهي عقود او تعمل شي متل خطبة .. وعزز شراكتك وانتبه ودقق الاوراق منيح وتصرف بعقلانية ورح ترتاح ..
عاطفيا .. انتبه من توترك ولا تفقد اعصابك وكون منتبه مع الحبيب وهادي قدر الامكان بهالفترة .
■النسبة المئوية :
●مهنيا : %66
●ماليا : %60
●عاطفيا : %68
●صحيا : %63

#الميزان

كتير ضغط شغل بدك راحة ..
بدي منك تخلص شغلك وماتهملو اليوم لان عندك كتير اشيا ضرورية لازم تنهيها اتبع نظام غذائي ونظم شغلك وانتبهلي لصحتك .. انت مو قادر تكمل وتنهي كل شي بوقت مناسب بس كمان لازمك راحة ..
عاطفيا .. لاتحاول ترجع لعلاقة قديمة ممكن هالشي يتعبك اكتر فكر بالمستقبل وكون متفهم ويمكن عم تفكر ترتبط هالفترة ..
■النسبة المئوية :
●مهنيا : %60
●ماليا : %58
●عاطفيا : %66
●صحيا : %61

#العقرب

فرصة واخبار حلوة ناطرتك ..
عندك يوم حلو في لقائات مهمة وناجحة وشغلك مدعوم بتصميمك لاتفقد الامل وتابع نشاطك حتى تصل لهدفك .. فترة فيها انفراجة وخبر حلو وحظوظ بتدعمك لكن انتبه من تراكم الامور عليك ..
عاطفيا .. استثمر هاليوم وبادر لتصل لقلب الحبيب وكون اكتر رومنسية حتى تحصل على يوم ممتع .. 
■النسبة المئوية :
●مهنيا : %84
●ماليا : %80
●عاطفيا : %89
●صحيا : %86

#القوس

قصة بتشغلك وتغييرات مهنية عندك ..
انفراجة قادمة حتى لو بالك مو مرتاح شاغلتك امور العيلة والبيت انتبه خليك واعي وحكيم واتصرف بعقل وخليك قد المسؤولية .. بعرف في ضغط كبير بس بدها ليونة منك ولاتكبر القصص والأمور افضل بلا عصبية ..
عاطفيا .. تعامل مع الشريك بهدوء وانت بحاجة لاهتمام بهيك يوم وممكن تسمع خبر رومنسي عن قريب
■النسبة المئوية :
●مهنيا : %62
●ماليا : %60
●عاطفيا : %68
●صحيا : %65

#الجدي

تطورات حلوة ولقاءات مهمة عندك ..
اليوم عندك القدرة انك تتميز بشغلك وتكون مسيطر على الجو فرص حلوة ناطرتك وامور كتيرة قادر تعملها .. اتصالات وسفر ممكن وماعم تهدى استغل هالشي بوضعك الصعب وادفع بمصالحك قدر الامكان ..
عاطفيا .. انت جذاب هاليوم والعيون عليك وعاطفتك زايدة ومجنون الفرصة عندك حاول تتواصل مع الشريك وتحل مشاكلك معو .
■النسبة المئوية :
●مهنيا : %72
●ماليا : %74
●عاطفيا : %79
●صحيا : %70

#الدلو

قصة جديدة وفي موارد مالية بتشغلك ..
عندك مكاسب وفرص شغل جديد ناقش مشاريعك واستغل الفرص لصالحك ولاتصرف كتير .. نتائج مرضية اليوم بس بدا متابعة ورح تحصل على يلي بدك ..
عاطفيا .. حافظ على هدوءك لانك محملها زيادة وحاير جواتك ولاتخلي الأمور القديمة تتعبك كمان 
■النسبة المئوية :
●مهنيا : %70
●ماليا : %80
●عاطفيا : %76
●صحيا : %73

#الحوت

فكر بنجاحك وحياتك للأفضل ..
يوم حلو بيتطلب منك المبادرة وفتح أبواب جديدة وبدايات مهمة ومشاريع ناجحة انت قادر هاليوم وعندك الطاقة اللازمة .. بترتاح من التعب وبتبادر وبتكون قادر وفي انجاز عندك بس لاتلتفت للماضي وتابع بقوة ..
عاطفيا .. مشرق و ملفت للانظار وين ما كنت استغل جاذبيتك وسحرك لتوصل مشاعرك وكون رومنسي ..
■النسبة المئوية :
●مهنيا : %93
●ماليا : %86
●عاطفيا : %90
●صحيا : %84

أعجبني