القمر  عم يكمل ببرج القوس ♐

#الحمل ♈

اجواء حلوة ويوم مميز بسفر ونجاح ..
يوم بيدعمك فيه الجظ وقادر تنطلق فيه بسفر او لقاءات مع ناس جدد وبكون يومك حافل بكتير اوقات مميزة ولقاءات بتساعدك وعندك الحظ والدعم المالي وانك تسافر وتتلقى اتصالات خارجية مهمة ..
عاطفيا .. يوم داعم لتحل مشاكل علاقتك وترتاح نفسيا وتبدا حب جديد اذا بدك ..
■النسبة المئوية :
●مهنيا : %84
●ماليا : %82
●عاطفيا : %87
●صحيا : %85

#الثور ♉

انفراج واحساس بالراحة ومال ..
عم يكون يومك افصل من الايام الماضية وعندك تحسن تصاعدي بالأوضاع عندك ناطرك كتير امور لتحلها وكمان قضاية بترتاح منها وماليا في مبلغ ممكن يجيك من شراكة او ميراث بهاليوم ..
عاطفيا .. تحسن بعلاقتك بالشريك وعم تشعر برغبة قوية بانك تكون معو بهاليوم ..
■النسبة المئوية :
●مهنيا : %75
●ماليا : %80
●عاطفيا : %70
●صحيا : %72

#الجوزاء ♊

يوم بيحمل ضغوط عندك تجنب المستفزين ..
عم يكون هاليوم في كتير من حالات التوتر والاستفزاز الك لازم تكون هادي وتتجنب المواجهة بهاليوم اذا بدك تمر الوضاع على خير وحاول تكون دبلماسي وفكر بشغل او شراكة جديدة ..
عاطفيا .. في كتير قصص مو راضي عنها بعلاقتك وعم تعصب من اقل كلمة حاول تصبر هاليوم وعند البعض فرصة لخطبة ..
■النسبة المئوية :
●مهنيا : %62
●ماليا : %56
●عاطفيا : %67
●صحيا : %59

#السرطان ♋

تطورات وشغل وامور صحية ..
بدي منك بهاليوم تكون جاهز لمسؤوليات جديدة وشغل كتير وانتبهلي كمان قدر الأمكان لصحتك ويوم رح يمشي بسرعة مارح تلحق كتير تشتغل مشان هيك خلص الضروري عندك ..
عاطفيا .. انت بحاجة لكتير اهتمام بوضعك الحالي بس جاذبيتك عم تزيد ..
■النسبة المئوية :
●مهنيا : %64
●ماليا : %56
●عاطفيا : %62
●صحيا : %58

#الأسد ♌

اوقات حلوة ناطرتك وتحسن كبير ..
وضعك عم يتحسن واجواء حلوة ناطرتك عم يكون الحظ معك وكتير اشيا بتنحل وبتنقلب لصالحك حاول تغير كل شي وتحل مشاكلك وفي فرص قادمة بكرة ..
عاطفيا .. اوقات ممتعة بهاليوم ورومنسيا انت افضل بكتير على كل الاصعدة ..
■النسبة المئوية :
●مهنيا : %86
●ماليا : %82
●عاطفيا : %89
●صحيا : %84

#العذراء ♍

امور عائلية وقصث بالبيت عندك ..
عم يكون يومك متعلق بالبيت وبأهلك اكتر شي حاول تهدي الأوضاع وممكن تطر تغير شغلك او قصة بتكون بالبيت مشان هيك انتبه وهدي حالك وخاصة اذا شي بخص تعب حدا من اهلك ..
عاطفيا .. انت ضايج وفي كتير تصرفات من الشريك عم تزعجك هالفترة ..
■النسبة المئوية :
●مهنيا : %67
●ماليا : %60
●عاطفيا : %57
●صحيا : %59

#الميزان ♎

لقاءات سفر اتصالات ويوم أفضل ..
يوم أريح الك كل شي عم تعاني منو قبل اليوم بيتغير وبيعطيك مجال للحركة وتمشي امورك افضل وبتحس بدعم الحظ الك من جديد ممكن تتلقى اتصالات تفرحك وتفكر بسفرة قصيرة ..
عاطفيا .. غير جو مع الشريك وعزز علاقتك معو حتى تطلع من جو الوحدة ..
■النسبة المئوية :
●مهنيا : %77
●ماليا : %73
●عاطفيا : %80
●صحيا : %70

#العقرب ♏

مال بانتظارك ومصروف بلا طعمة ..
انت بيوم مالي عم تفكر بس بالمصاري يمكن صرفت كتير وماضل معك وهالشي بحطك بوضع محرج فيك تطلب دين وممكن تجيك دفعة مصاري من شراكة فلا تخاف ..
عاطفيا .. انت محتار بعلاقتك وهالشي طبيعي خاصة اذا الشريك مو مهتم 
■النسبة المئوية :
●مهنيا : %75
●ماليا : %80
●عاطفيا : %77
●صحيا : %72

#القوس ♐

تحسن كبير وساحر بحضورك ..
لاتفكر بشي انت بوضع منيح وعم بيمنحك القمر الطاقة والقوة بس بدك تنتبه من بعض المشاكل مو كل شي متل مابدك بدي ياك هادي وتغير بحياتك للافضل بهاليوم وتبدا من جديد بصفحة جديدة وروح جديدة ..
عاطفيا .. اخبار حلوة رح تسمعها ممكن يحكيك الشريك بعد فترة غياب اذا ناطر هالشي ..
■النسبة المئوية :
●مهنيا : %91
●ماليا : %84
●عاطفيا : %87
●صحيا : %81

#الجدي ♑

آخر يوم تأجيل وتعب بس خليه يمر ..
هانت بس عندك يوم متعب وبتلاقي مافي شي عم يريحك عم تفقد الأمل وتحس بالخيبة حاول تطلع من حالتك وتفكر انو يوم وبمر وانتبه لصحتك ولاتكبر القصص ..
عاطفيا .. اهدى وساير وماتسأل شو ماصار بهاليوم بدي منك تكون اقوى من الظروف وتفكر بيلي جاية لان رح يتحسن وضعك كتير قريبا
■النسبة المئوية :
●مهنيا : %58
●ماليا : %63
●عاطفيا : %65
●صحيا : %60

#الدلو ♒

دعم الأصدقاء وعلاقات اجتماعية ..
كتير ناس معك وحالة اجتماعية عم تعيشها حاول تستفيد من دعم الاصدقاء الك وتزيد شعبيتك ابتعد عن البقاء وحيد وشارك حتى تحصل على نهار مميز ..
عاطفيا .. يوم حلو بيحملك اعجاب من الجنس الآخر وصداقات اكبر وتطورات حلوة 
■النسبة المئوية :
●مهنيا : %69
●ماليا : %71
●عاطفيا : %79
●صحيا : %75

#الحوت ♓

انت امام امتحان واختبار شغل ودراسة ..
بدي منك تنتبه انت بوضع مو كتير عم تتعرض للملامة وممكن يكون في تغيير بعملك بدك تكون جاهز لاي شي وخاصة انو في البعض من يلي حوليك عم يشككو بقدراتك مشان هيك تصرف بهدوء ودقة لتمر ولاتعصب ..
عاطفيا .. مو مرتاح وعم تحس بالقلق من مستقبل العلاقة وهالشي عم يأثر على نفسيتك ..
■النسبة المئوية :
●مهنيا : %72
●ماليا : %66
●عاطفيا : %59
●صحيا : %62

أعجبني