القمر بكمل ببرج الثور ♉
اورانوس بنتقل لبرج الثور بحادثة مهمة للكل ♉
●●كوكب اورانوس كوكب المفاجآت والاحداث الغير اعتيادية التي تحصل من منشأ عصبي ودون سابق تصميم لها او تخطيط فهو يدخل برج الثور حتى شهر نيسان 2026 ويقوم بتغييرات كبيرة على الصعيد المالي العالمي ويصبح هناك بحث عن موارد جديدة ويؤثر بحسب تواجده على جميع الأبراج تبعا لدرجة تقدمه فيها ..

#الحمل ♈

يوم للدفع والقبض والمصاريف ..
بتبرد الاحداث عندك نسبيا خاول لاتضل لحالك واستفيد من هاليوم لتدعم شغلك وتضبط ميزانيتك انتبه من المصاريف الزايدة وتعامل بحذر ماليا .. وممكن يجيك مكسب من شغلك وعندك فرص شغل جديد بالمجمل في دفع وقبض عندك ..
عاطفيا .. عم تبحث عالاستقرار بس عم تلاقي صعوبة ومشاكل بوجهك اهدى ولا تكون متردد هيك خطوة بدها دراسة ..
■النسبة المئوية :
●مهنيا : %66
●ماليا : %78
●عاطفيا : %75
●صحيا : %73

☆اورانوس بالثور : بخليك تفكر بمشاريع جديدة وموارد مالية جديدة لازم تنتبه وتتعود تضب ايدك وممكن مبالغ مالية تجيك فجأة ..

#الثور ♉

يوم مميز التغييرات لصالحك وحظوظ عندك ..
أخير بتفرج عليك وبتحس بأنك عم تطلع من مشاكلك وعم تكون منيح وافضل ويوم عم ترجع الثقة بحالك لتغير الامور لصالحك عندك كل الطاقة لتكون مميز وناجح .. وقادر بهاليوم على قلب الأمور وفتح صفحة جديدة والخروج من التعب يلي أنت فيه وفرصة عمل مهمة ممكنة وتطور جديد ..
عاطفيا .. لاتفكر بالماضي عندك الكثير لتعيشه في المستقبل انطلق ولاتتردد واجواء رومنسية داعمة الك وحب جديد ممكن ..
■النسبة المئوية :
●مهنيا : %94
●ماليا : %87
●عاطفيا : %90
●صحيا : %84

☆اورانوس ببرجك : بيعملك تغييرات كبيرة ومفاجئة بحياتك المهنية والعاطفية لازم تكون جاهز الها وممكن تنهي مواضيع قديمة وتبدأ جديدة بدون تخطيط ..

#الجوزاء ♊

كل شي بدو رواق وصبر بس هاليوم ..
يوم بدو صبر وشوية ابتعاد عن كذب العالم حاول لا تكبر الأمور بالرغم أنو عم يسيطر التعب عليك وعم تشعر بتوقف كل شيء انتبه لصحتك وماتقوم بأي عمل جديد .. فترة سلبية عم تمر فيها ومافي حظوظ حاول ماتستفز حدا وتمرق هاليوم على خير وبعدا بيتحسن وضعك ..
عاطفيا .. انتبه من اي كلمة رح تحكيها ولاتكون متسرع لان العلاقة بهاليوم مارح تكون منيحة ..
■النسبة المئوية :
●مهنيا : %56
●ماليا : %59
●عاطفيا : %62
●صحيا : %57

☆اورانوس بالثور : بخليك تميل أكتر للعزلة وممكن تبدا شغل بمؤسسة كبيرة واحداث مهمة كانت مخباية ممكن تطلع مفاجئة ..

#السرطان ♋

استغيد من رفقاتك بيوم اجتماعي مميز ..
انت تعبت من حالتك وصار بدك سند حقيقي ويوم ييحمل الك حالة اجتماعية مميزة الكثير من الأصدقاء حولك وعندك دعم كبير .. حاول تحصل على المساعدة لتدفع باعمالك واستغل هاليوم منيح وحافظ على علاقاتك ولاتاخد قراراتك بتسرع ..
عاطفيا .. انت على ابواب خطوات جديدة حاول تحسم امورك وتصرف بمسؤولية تجاه العلاقة ..
■النسبة المئوية :
●مهنيا : %76
●ماليا : %73
●عاطفيا : %79
●صحيا : %70

☆اورانوس بالثور : بتخليك تغير معاملتك مع الأصدقاء يعني ممكن تكشب صديق بسرعة وتخسر صديق بسرعة هيك بقصص بسيطة كمان بتتغير علاقاتك وتصرفاتك الأجتماعية وممكن صديق يساعدك لتحصص حلم عندك ..

#الأسد ♌

استغل وضعك لتنجح بشغلك وماتخالف القوانين ..
أهم شي اليوم انتباهك وحاول لا تهمل الدقة بشغلك وعم ينتظرك يوم مهم لازم تثبت نفسك وتتحمل المسؤولية .. يوم مناسب للي عم يدور على عمل بس بيحتاج للتركيز والهدوء وانتهاز الفرص المناسبة وكمان اذا في شي تعامل مع المسؤولين عنك سيطر على اعصابك ..
عاطفيا .. عم يسيطر عليك الخوف من علاقتك وتشعر بأنك تسرعت أو تشعر بالأهمال فلا تنفعل ..
■النسبة المئوية :
●مهنيا : %79
●ماليا : %70
●عاطفيا : %67
●صحيا : %65

☆اورانوس بالثور : بتأثر على حالتك المهنية وبتكونقدام مسؤوليات جديدة وترقية ممكنة مشان هيك لازم تكون جاهز وحتى احتمال تستلم منصب مفاجئ ..

#العذراء ♍

يوم حلو لسفرة مفاجئة وتواصل خارجي ..
من الأيام الجيدة عندك ويلي بتدعمك بشكل كبير بهالشهر وخاصة بعد تعب مريت فيه عندك يوم حلو بيحملك كتير من الطاقة عندك سفر واتصالات مهمة ممكن تكون خارجية ومع ناس ما بتعرفن .. فخليك جاهز لتطورات حلوة عندك وحلول لمشاكلك والأمور عم تكون ايجابية عندك ..
عاطفيا .. اخبار حلوة وفرصة للأعذب يفوت بعلاقة حب اليوم وتحسن عام ..
■النسبة المئوية :
●مهنيا : %88
●ماليا : %82
●عاطفيا : %84
●صحيا : %80

☆اورانوس بالثور : بأثر على الدراسات العليا عندك ممكن تبدا دراسة جديدة عندك وتسافر بدون ماتخطط لهالشي وبتميل لأنك تتعرف على ناس غريبة عنك ..

#الميزان ♎

وضعك المالي بدو ضبط وعندك حلول ..
عم تاخد نفس بعد أيام ضاقت عليك فيها من كل يلي حوليك وبخف التوتر عندك وعم تناقش امور مالية وشغل يمكن عم تفكر كيف تحصل على مصاري من شركتك .. وعم تسد دين عندك تحسن هاليوم وبتطلع من الضغط يلي سيطر عليك الفترة السابقة وبتشعر بتحسن كبير ..
عاطفيا .. حاول تحل المشاكل مع الشريك ولا تكون عنيد بردة فعلك ..
■النسبة المئوية :
●مهنيا : %69
●ماليا : %80
●عاطفيا : %77
●صحيا : %74

☆اورانوس بالثور : بأثر على المال يلي بخص شراكة معية مع شخص وبصير في امور استشفائية وقضائية بتنحل كمان ممكن تتعرض لمواقف صعبة بتخص مقربين وتحصل على ميراث مفاجئ ..

#العقرب ♏

شراكات مهنية وعاطفية وتوتر للسما ..
عم تحس بحاجة أشخاص حقيقيين ويمكن عم تبكي لحالك باوقات صح انت كتير توتر جواتك ومن الأيام الصعبة عندك ما فيها حلول بتلاقي حالك فيها مو مرتاح وعم تنفعل كتير وضايج بس هانت صدقني .. بدي تعرف انو طبيعي هاد الشي لاتكبر القصص ولاتفوت بمواجهات لان رح يكون اللوم عليك وطول بالك هاليوم بس ..
عاطفيا .. كون متفهم للشريك قدر الامكان لأن الوضع عم يسوء ..
■النسبة المئوية :
●مهنيا : %60
●ماليا : %57
●عاطفيا : %66
●صحيا : %63

☆اورانوس بالثور : بتأثر على شراكاتك المهنية والعاطفية فممكن تدخل شراكات جديدة وكتير احتمال ارتباط مفاجئ وكمان بتنتهي عللقتك بكتير ناس كانت غالية بحياتك ..

#القوس ♐

انتبهلي لصحتك وشغلك حتى مايتراكم ..
اليوم بدي منك تسرع بشغلك الضروري ويمكن تكتر عليك القصص واختبار لتحملك حاول هاليوم تنظم حياتك حتى مايلومك حدا انت قدام شغل كتير وممكن تعب صحي .. فانتبه وكون دقيق وانت قادر تخلص شغلك بس بحاجة سرعة واهتمام اكبر حتى تخلص كل شي ..
عاطفيا .. لاتزعل اذا مالقيت الشريك حدك وحاول تتفهم ظروفو هي الفترة وماتكبر المشاكل ..
■النسبة المئوية :
●مهنيا : %64
●ماليا : %60
●عاطفيا : %67
●صحيا : %55

☆اورانوس بالثور : الفترة مناسبة لتبدا نظام غذائي وصحي جديد وكمان بتزيد المسؤوليات والشغل عليك لازم تتعود تتحمل مسؤولية وتنظم وقتك ..

#الجدي ♑

يوم للحظ والعاطفة وتحسن كبير ..
عرض جديد وقصة بتساعدك لتنجح حاول تستفيد من هاليوم وانت بوضع افضل بكتير اليوم فرصة مهمة رح تحصل عليها وعندك امور ايجابية بتحصل بتساعدك فلا تخاف .. كون منتبه واستغل هاليوم والحظ بيدعمك بقوة وعندك القدرة تصل للي بدك ياه ..
عاطفيا .. يوم رومنسي بيتجدد فيه حبك او بتحصل على حب جديد وبتكون جذاب جدا للجنس الآخر وقادر تلاقي فرصتك .
■النسبة المئوية :
●مهنيا : %86
●ماليا : %84
●عاطفيا : %90
●صحيا : %81

☆اورانوس بالثور : حظوظ جيدة وممكن تغيير بمعاملة الاولاد وتحس انو في حظ عندك بما انو الموقع ملائم كمان علاقاتك العاطفية بتزيد ...

#الدلو ♒

توتر عائلي حل الأمور بهدوء ..
ضايج من كتير ناس حوليك عم يسببولك عصبية وانفعال وعم تفكر كتير وبدك حلول وأحداث مهمة رح تحصل اليوم على صعيد العيلة والبيت عندك وممكن تشغل بالك .. حاول تكون هادي وتصرف بحكمة ولاتخلي هالشي يأثر عليك سلبا خليك قوي ..
عاطفيا .. عم تشعر بتقرب الكتير منك والأعجاب بس خايف من العلاقة ومافي شي عم يكمل ..
■النسبة المئوية :
●مهنيا : %65
●ماليا : %61
●عاطفيا : %68
●صحيا : %58

☆اورانوس بالثور : تغييرات على مستوى العائلة ويمكن تفكر انك تستقل عن عيلتك وتعيش بمعزل عنن كمان رح يكون في تغيير سكن عندك اكتر من مرة ..

#الحوت ♓

تواصل واتصالات ونجاح عندك ..
يوم مناسب للنجاح ولتصل لهدفك خليك سريع وخلص بعض الامور يوم منيح نسبيا فيه كتير من الحركة ومن اللقاءات .. بتحس حالك بطاقة عالية ممكن تسافر وتعمل شي ايجابي وتطورات ناطرتك رغم كل شي والاجواء داعمة ..
عاطفيا .. الاصدقاء عم يظهرو اعجاب فيك حاول تكون واعي لهالشي وتفكر بقلبك وعقلك وتختار صح ..
■النسبة المئوية :
●مهنيا : %80
●ماليا : %76
●عاطفيا : %82
●صحيا : %78

☆اورانوس بالثور : بتغير تفكيرك وبكون في سفر كتير وكمان ممكن تشتري سيارة ويكون عندك نجاح دراسي اذا بدك ..

أعجبني