القمر بينتقل لبرج الثور♉

#الحمل ♈

نشاط طاقة وحظ ومال المسا ..
انت بحال افضل عم تقدر تأثر بشكل كبير على محيطك وتحل مشاكلك وتغير الأمور لصالحك حاول تستفيد من هاليوم ببدايات جديد وكمان لاتنسى تعيد حساباتك المالية وتخفف مصروفك المسا ..
عاطفيا .. معنويات عالية عندك فيك تخلص من ماضي تعبك وتبدا بحب جديد إذا بدك ..
■النسبة المئوية :
●مهنيا : %91
●ماليا : %83
●عاطفيا : %85
●صحيا : %80

#الثور ♉

يوم بيبدا صعب وبينتهي بانفراج وحلول ..
عم يكون نهارك غير مرضي الك كل شي بتحسو ماشي بالعكس والناس عم تزيدها عليك وفي عرقلة وتأجيل وحاول ماتعمل شي مهم الصبح وانتظر المسا يلي رح يشهد تحسن نسبي الك وعودة الحلول والطاقة ..
عاطفيا .. عم تحس بوحدة وماعم ترتاح لتصرفات الشريك وكأنو في شي عم يصير غريب ..
■النسبة المئوية :
●مهنيا : %57
●ماليا : %62
●عاطفيا : %65
●صحيا : %60

#الجوزاء ♊

علاقات اجتماعية عزايم وانتبه المسا ..
عم يكون نهارك حافل باللقاءات مع اشخاص بتحبن وبتحس بدعم كبير من الاصدقاء إلك وفيك تطلب مساعدة اذا بدك لتعمل شي انتبه من مشاكل متوقعة بالسهرة وكون هادي حتى تمر ..
عاطفيا .. عم تكون ساحر بالنهار وكتير ناس حوليك وعندك حضور ملفت وقدرة على استيعاب الكل وهالشي بيمنحك اجواء حلوة ..
■النسبة المئوية :
●مهنيا : %64
●ماليا : %61
●عاطفيا : %67
●صحيا : %59

#السرطان ♋

يوم مهم امتحان وقصة بالشغل وعزيمة المسا ..
يوم بيحتاج منك الدقة والانتباه وتكون كتير رايق لان في قصة بتتعلق بمخالفة القوانين عندك انتبه منها وحاول تجهز حالك للقاء شخص مهم ولاتهمل شغلك الضروري أكيد وكمان المسا حضر حالك للقاء حلو وعزيمة ممكنة عندك ..
عاطفيا .. الأجواء مو كتير مريحة عندك ومدايق وحساسيتك عالية بهاليوم فحاول تهدى ..
■النسبة المئوية :
●مهنيا : %76
●ماليا : %64
●عاطفيا : %67
●صحيا : %70

#الأسد ♌

يوم ايجابي سفر وتغييرات وشغل ..
عم يكون يومك مميز في كتير دعم ايجابي لتغير شي ممكن تسافر وتتعرف على اشخاص جديدة ممكن تبدا علم جديد او حتى رياضة كمان ممكن تكون المسا على موعد مهم ومصيري فخليك جاهز ..
عاطفيا .. يوم منيح لتعزز علاقتك بالشريك وفي كتير امور ايجابية عندك وطلتك غير شكل ..
■النسبة المئوية :
●مهنيا : %84
●ماليا : %80
●عاطفيا : %77
●صحيا : %74

#العذراء ♍

يوم مالي بيشهد تحسن تصاعدي وتواصل المسا ..
انت عم تعيش يوم بيحملك كتير من القصص والحلول الممكنة كمانةماليا ممكن تحصل على مصاري من شخص كان بينكن شراكة او تدفع لتجيب هديه لحدا كمان المسا عم يكون مناسب لتحاكي ناس جديدة بحياتك ..
عاطفيا .. تطورات ايجابية عم تشهدها علاقتك وفي تحسن بعد فترة صعبة مريتو فيها ..
■النسبة المئوية :
●مهنيا : %78
●ماليا : %82
●عاطفيا : %76
●صحيا : %80

#الميزان ♎

يوم للشراكات وتوتر كبير وراحة المسا ..
عم تكون بحالة توتر من اي شي عم يصير معك في استفزاز كبير من المحيطين الك ومابدك تغلط مع حدا لاتخاف هو مو يوم سيء لأن فيك تتم شراكة او حتى ارتباط والمسا بتناقش امور مالية عندك وبترتاح من الضغط يلي انت فيه ..
عاطفيا .. تعامل مع مجريات الامور برواق وحاول ماترد على الكلام الاستفزازي من الشريك ..
■النسبة المئوية :
●مهنيا : %65
●ماليا : %62
●عاطفيا : %68
●صحيا : %64

#العقرب ♏

شغل كتبر مسؤوليات وشراكات وامور صحية ..
هاد اليوم عم يكون متعب بكل معنى الكلمة لكن تعب مثمر بشغل ويمكن اكتر شي عم يكون زاعجك تعامل الناس يلي عم يزيدو التوتر عندك لاتخاف واهدى وفكر بس بشغلك ونظم أمورك وكل شي رح يكون افضل كمان في فرصة كبيرة لشراكات جديدة عندك بس انتبه من عصبيتك تنهي شراكة عندك ضعيفة ..
عاطفيا .. عن تفكر يمكن بارتباط والأمور عندك عم يكون فيها كتير انزعاج من تصرفات الشريك ..
■النسبة المئوية :
●مهنيا : %57
●ماليا : %60
●عاطفيا : %62
●صحيا : %65

#القوس ♐

يوم ايجابي داعم بالحظ لكن رتب أمورك ..
عم تدخل يوم جيد فيه حظ وفرص حلوة واخبار ممكن تسمعا وتعدل مزاجك والشي الأهم بأنو هي الفترة ممكن تكون مصيرية بفرصة ممكن تجيك وتحملك شغل جديد او بداية جديدة او تغيير بوضعك المهني فكون جاهز وانتبه من تراكم الامور وتعب صحي المسا ..
عاطفيا .. كتير من المغريات بعلاقاتك العاطفية وفي حب عم يكبر ويوم حلو عاطفيا واذا اعذب فرصة لحب جديد ..
■النسبة المئوية :
●مهنيا : %84
●ماليا : %75
●عاطفيا : %86
●صحيا : %76

#الجدي ♑

قصص عائلية وامور بييتة وحلول وحظ ..
نهارك عم يكون متقلب في قصة بالبيت ماعم تريحك وعم تخليك تفكر بحلول الها وحاسس بانك ضايج لكن ماتخاف هاليوم عم يشهد تحسن كبير المسا بالحظ والوضع العام عندك بس دير بالك عأهلك وبيتك وكل شي رح يصير أفضل ..
عاطفيا .. عم تحس بعاطفة كبيرة تجاه شخص حاول تكون رومنسي لان يوم بيتطلب هيك خاصة المسا ..
■النسبة المئوية :
●مهنيا : %79
●ماليا : %82
●عاطفيا : %85
●صحيا : %80

#الدلو ♒

حركة وسفر واتصالات ونجاح وامور عائلية ..
يوم جيد بيحملك كتير من الحركة والتواصل خاصة مع افراد عيلتك او المحيطين فيك وقادر تقنع بوجهة نظرك وحتى في فرصة لسفر قصير عندك لكن ممكن تنشغل بقصة بتخص احد الأخوة او الاهل حاول تكون متفهم حتى تنحل المسا ..
عاطفيا .. عندك القدرة انو تجذب الناس الك بهاليوم ولقاء حلو عاطفي ممكن اذا بدك ..
■النسبة المئوية :
●مهنيا : %76
●ماليا : %69
●عاطفيا : %72
●صحيا : %70

#الحوت ♓

مال واعادة حسابات واتصالات ولقاءات ..
يوم جيد لتعيد حساباتك المالية تشوف شو الك وشو عليك وتضب ايدك وتفكر بموارد جديدة للدخل عندك حتى تحسن وضعك المالي وحتى ممكن تحصل على مبلغ بهاليوم والمسا بتكون نشيط وبتتواصل مع ناس كتير عندك ..
عاطفيا .. وضعك جيد لكن ماحدا عم يقدر مشاعرك متل مابدك وهالشي عم يزعجك ..
■النسبة المئوية :
●مهنيا : %73
●ماليا : %81
●عاطفيا : %75
●صحيا : %74

أعجبني