القمر مكمل ببرج العقرب ♏

#الحمل

راحة ومال بس ضب ايدك ..
تعرضت لكتير من المشاكل الفترة الأخيرة واثرت عليك وعلى نفسيتك بس هاليوم لتطلع من هالحالة وترتاح نسبيا .. كمان مناسب لتناقش امور مالية وتطلع بحلول مرضية الك ولمشاكلك وفاستغل هالشي..
عاطفيا .. حاول تصالح اليوم وبعرف صعبة عليك وانك ما بتتنازل بس الامور رح تنحل لاتخاف ..

#الثور

علاقات متوترة واشخاص مزعجين تجنبن ..
كل شي اليوم عم يزعجك من أقل كلمة او تصرف وهالشي طبيعي وماتحاول تستفز حدا .. لكن حاول توجه طاقتك باتجاه الشراكات الجديدة يلي ممكن تفيدك وتدعمك وفكر بشغلك أول شي ..
عاطفيا .. اذا عم تفكر ترتبط فهو يوم ايجابي وممكن واذا مرتبط فانتبهلي لعلاقتك وبلا عصبية ..

#الجوزاء

يوم متعب نظم وقتك واكلك وانتبه لصحتك ..
يوم عم يحملك شغل كتير وماعم تلحق وهالشي بخليك تحس حالك تعبان وممكن يأثر على صحتك كمان .. بدي ياك تنتبه وترتب امورك بحيث تخلص الضروري وتراعي حالتك وماتهمل وضعك وارتاح ..
عاطفيا .. الامور ايجابية رغم كل شي حاول تهدى ولاتكتر عناد لتصل للي بدك ياه ..

#السرطان

فرص حلوة واوقات مميزة ناطرتك ..
يوم مميز بيحملك حظوظ واوقات ايجابية بالرغم من أنو الضغوط عليك كبيرة بعرف وهالشي ماعم يريحك .. لكن يوم ايجابي داعم وفيه فرص وحلول فاستغل هالشي وفكر بس بالشي المنيح ولاتخاف..
عاطفيا .. يوم بيحملك العاطفة يلي انت بحاجتها لتحسن قلبك ..

#الأسد

تغيير مكان سكن او شغل وقصة بتخص الأهل ..
بهاليوم بدي منك تفكر اكتر شي وتدعم بيتك وعيلتك يمكن هنن بحاجتك بهاليوم .. وهالشي بدو حكمة وصبر حتى ما تزيد المشاكل وكل شي رح يكون منيح بس حافظ على الاستقرار عندك ..
عاطفيا .. لاتترك المشاكل البيتية تأثر على حبك وحاول تخفف انفعالك ..

#العذراء

سفر ممكن واتصالات وانتبه من اعطال الموبايل ..
لازم اليوم تتحرك لتحسن وضعك وشغلك وتنجح لان يوم بيحملك النجاح و التواصل والاقناع فلا توقف .. وفكر بكيف تصل وممكن تسافر وتتلقى اتصالات مع ناس بتساعدك وعندك القدرة توصل صوتك اذا بدك ..
عاطفيا .. لاتخاف على حبك بس خليك واثق من نجاحك وبالآخر الكل رح يرجعلك ..

#الميزان

مال قادم الك لكن مصاريف طارئة بتطلعلك ..
انت عم تعيد حساباتك وعندك مصاريف زايدة و ماعم تنتبه خليك ذكي حتى وضعك المالي يتحسن .. وعم تدور على موارد جديدة يمكن . يوم بالمجمل لتدفع أو تقبض أو تحصل دين او لتشتري هدية ..
عاطفيا .. لاتنسى واجباتك تجاه الشريك حتى لو هو كان مهمل فلازم تبدادر احيانا ..

#العقرب

صفحة جديدة وانسى الماضي ..
عم تعيش يوم ايجابي بعد مشاكل كتير حصلت معك عم تغير تفكيرك وتعرف الناس على حقيقتها .. لكن انت قدام بدايات جديدة ورح تطلع من هالحالة وتنجح وتثبت حالك عن جديد وتكون متألق ..
عاطفيا .. لاتسمح لحدا يستغل طيبتك بكفيك وجع صار لازم تكون حازم شوي ..

#القوس

هدي حالك واصبر هاليوم ..
حالة من الضغوط عم تعاني منها وحاسس انو كل شي سيء يوم صعب عم تواجه فيه كتير من المشاكل .. حاول تنتبه من انفعالك وتصبر حتى يمر وتتحسن الامور قريبا والوضع يلي انت عم تعيشو رح ينتهي ورح تكون أفضل..
عاطفيا .. لاترد على الناس وخليك بعيد بعلاقتك عن المشاكل يلي ممكن تصير ..

#الجدي

لقاء مع صديق غالي ..
بتنعزم اليوم وبكون في دعم كبير من الاصدقاء الك ليساعدوك بشغلك وهالشي بخليك بوضع افضل .. حاول تستغل هالشي ولاتهمل الامور الضرورية وتفاعل مع محيطك ولاتنسى تطمن على شخص غالي عليك ..
عاطفيا .. انت محل اعجاب كتار والرومنسية عم تزيد لكن انتبه من مشاكل مفاجئة ..

#الدلو

قصة بالشغل وموضوع مهم بيعتمد على امكانياتك ..
خليك ايجابي وخاصة بالشغل بتتعرض ممكن للانتقاد لكن انت قادر تقلب الأمور لصالحك وتنجح .. وعندك الفرصة تفوز وتكون بوضع ملائم لتطور شغلك وتحط حالك بمكان افضل وخاصة اذا امتحان ..
عاطفيا .. لاتعتب على الناس وحاول تفكر كيف تريح قلبك ومخك وتطلع بنتيجة بحبك ..

#الحوت

سفر واتصالات ويوم مميز بناس جديدة ..
يوم منيح بيحملك تحسن بعد ايام صعبة وعم ترجع بقوة وفرصة سفر ممكن او تتعرف على ناس جديدة .. وفي عندك تغيير بوضعك ممكن حتى تبدا بقصة جديدة تغير فيها طريقة تفكيرك وتنجح بهالشي ..
عاطفيا .. يوم عاطفي بساعدك لتتقرب من الشريك ولتفرح باوقات حلوة معو وحب جديد للأعذب ..

أعجبني