القمر مكمل ببرج الميزان ♎

‫#الحمل

علاقات جديدة وشرتكات مهنية وعاطفية ..
مزاجك عم يأثر عليك عم يخليك معصب ومتوتر انتبهلي لشراكتك عاطفيا او بالشغل .. ولا تنفعل وكون متفهم وخود برأي غيرك ولا تستفز حدا حتى لو هو يلي بدأ معك ..
عاطفيا .. ماحدا عم يفهمك ولا عم يعرف يتعامل معك كلو ضدك او انت عم تشوف هيك فاهدى ..

‫#الثور

روتين متعب ومشاغل كتيرة ..
ببلش عندك نهار متعب انتبهلي لصحتك ولاتخلي الشغل يتراكم عليك حتى تلحق الضروري منو .. وانتبه لوضعك العام كمان وركز عالاشيا المتراكمة عندك ولاتهملها لتخلص منها ..
عاطفيا .. يلي بيعرفك بيعرف انو الحب مو من اول اهتمامك وبحاجة لشريك يفهم هالشي بهالوقت الصعب ..

‫#الجوزاء

فرص وحظ عاطفي مهني عندك ..
اليوم رح تكون احسن بكتير من مبارح رح تلاقي كلامك مسموع ورح تصل للي بدك .. فترة حلوة استغلها وعيش نجاح واستغل الفرص وطور علاقاتك مع محيطك ..
عاطفيا .. الجفا يلي كان عم تحسو بينقلب اليوم حب كبير وبكون في رومنسية بالاجواء ..

‫#السرطان

موضوع عائلي وتغييرات ..
حاول تهدى اليوم وتحل امور عيلتك وبيتك بهدوء حتى ماتكبر اكتر .. وانتبه من ردة فعلك وتفهم كل الاطراف ولاتخاف رح تمر على خير بس بدك ماتنفعل وتكون متفهم ..
عاطفيا .. بدك حب على كيفك وماحدا عم يقدر حاول ماتكون متطلب كتير ..

‫#الأسد

اتصالات وسفر ويوم ايجابي ..
عندك لقاءات واتصالات وفرص حلوة واخبار ممكن خليك مساير بتعاملك واستغل الامور لصالحك اليوم .. وفيك تكون دبلملسي لتكسب الكل ويكون في تطور ايجابي بعلاقاتك وشغلك وتسافر كمان ..
عاطفيا .. تعامل بحذر بعلاقتك حتى ماتخسر شريكك وفرصة لتحسين الاجواء ولقاء او حديث طويل مع الحبيب ..

‫#العذراء

يوم للمال ومكاسب متوقعة ..
عندك مكاسب مالية اليوم بدك تعرف تتصرف بس مع هيك انتبه لمصروفك وامورك عم تتحسن عن قبل .. حاول تتفائل ورح يكون عندك نجاح بمجال شغلك يوم للصرف والدفع والقبض فخليك جاهز ..
عاطفيا .. مشرق وعم تحس بأنك افضل وعم تستقر عاطفيا شوي شوي بس خفف قلقك وتفكيرك

‫#الميزان

اخبار حلوة وتطورات ايجابية ..
انت افضل وعم ترتاح بعد تعب وترجع بطاقتك واليوم فيك تعيد ترتيب امورك اذا بدك .. يوم حلو رح تستفيد منو كتير وتقلب الاوضاع بادر واستغل اليوم وافتح صفحة جديدة وغير الأمور لصالحك ..
عاطفيا .. اليوم انت مشرق واخبار حلوة رح تسعد قلبك بس خليك متفائل وبلش من جديد اذا علاقتك القديمة تاعبتك

‫#العقرب

هدوء وتأخير بوضعك ..
بتشعر انك مو مرتاح وحاسس الدنيا كلها ضدك وعم يتخلى عنك الحظ اليوم وبتحس بالتعب من هالشي .. حاول تحافظ على راحتك وانتبه لصحتك ولا تتخذ قرارات مهمة حتى ماتخسر هاليوم بس وبعدا وضعك بصير افضل ..
عاطفيا .. عم تحس بالفراغ ويمكن بانك مخدوع بشخص او ماحدا عم يقدر حبك ..

‫#القوس

لقاءات مهمة واشخاص غاليين ..
يوم عم تلتقي رفقاتك وتقضي وقت حلو بادر ولاتضل لحالك واستغل هيك يوم لتطلب مساعدة .. عندك طاقة كمان وقدرة على الاقناع ومحبة من الاصدقاء واذا بدك شي اعتمد على مساعدة رفقاتك ..
عاطفيا .. في شي عم يزعجك وانت بحاجة لاستقرار قدر الامكان ..

‫#الجدي

قصة مهنية وتغييرات عندك ..
يوم مهم بحاجة للانتباه منك حاول تكون حذر ولاتعصب وعم تفكر بامور كتير وبحلول لمشاكل .. ويمكن عندك فرصة لشغل جديد او تعامل مع ناس مهمة لكن معرض للمشاكل ولاتخالف القوانين قدر الامكان ..
عاطفيا .. في هدوء عاطفي انت بحاجة لمبادرة من الحبيب وعم تفكر بارتباط ..

‫#الدلو

تواصل واشخاص مهمة بحياتك ..
اليوم انت مليان نشاط وحيوية وعندك سفر واتصالات ومشاريع مهمة وفرص حلوة .. وعم تفكر بالتقرب اكتر من احبابك وتنجح بالوصول للي بدك ياه وتتعامل مع ناس غريبة عنك وتتواصل بشكل جيد ..
عاطفيا .. الحب عم يدق بابك من جديد و أوقات حلوة ناطرتك ..

‫#الحوت

وضع مالي وتحسن بالمعنويات ..
مكاسب مادية ومصروف زايد وشغل ومشاكل عائلية حاول تنظم يومك وتحل امورك بهاليوم .. ورح يكون وضعك اريح وتحسن نسبي بالاجواء وامكانية لتخلص من مشاكلك ..
عاطفيا .. بعدك مو مرتاح وعم تفكر تصالح او تحل مشكلة ومابدك تتنازل ..

أعجبني