❤ القمر بكرا ببرج القوس ♐

#الحمل

انت افضل عم تطلع من الأجواء السلبية يلي لازمتك الاسبوع الماضي وعندك الحلول .. خليك واثق من حالك وغير الأمور لصالحك فرصة لتسافر وتعمل شي كتير حلو ..

عاطفيا .. عم تشعر بالحب وعم تسمع خبر حلو اليوم حاول تعيش رومنسيتك لأن الاجواء داعمة..

#الثور

عم تناقش أمور مالية بتخص شراكة وعم تحس حالك افضل لكن في استفزاز كبير من المحيطين الك .. حاول تكون متفهم للشريك وحاول تفكر بحل للمشاكل يلي كانت الفترة الماضية ..

عاطفيا .. لازم تعيد حساباتك وتفكر أكتر بالحب إذا كان عم يريحك ولا عم يتعبك وتحل المشكلة ..

#الجوزاء

حاول اليوم بدل ما تتوتر وتعصب على يلي معك تفوت شراكة مع حدا بمشروع مشترك أو عقد حتى خطبة كتير ممكن .. وابتعد عن انفعالك وحاول ماتكون مستفز وحاول تقرب وجهات النظر وحتى تساير قد مافيك ..

عاطفيا .. لاتحاول تحط اللوم على الشريك انتبه لتصرفاتك وحل الأمور بهدوء حتى ماتكبر ..

#السرطان

رح تشعر بتزايد المسؤولية شغل كتير ووقت قليل حاول ما تتكاسل بهاليوم حتى تلحق .. واذا لقيت حالك تعبان صحيا اكتفي بالأعمال الضرورية وممكن الأهمال رح يعرضك للمسائلة فانتبه وخاصة دراسيا ..

عاطفيا .. لاتسمع لكلام الناس وحاول تبحث عن الحب يلي بريح قلبك وعقلك وخليك مرن بتعاملك ..

#الأسد

يوم بيحملك فرصة مهمة ممكن تكون مو ناطرها أو حل لموضوع كان شاغلك .. من الأيام الحلوة بهالفترة الصعبة فحاول تستغل كل دقيقة فيه وممكن تسمع كلام حلو عنك ..

عاطفيا .. عم تفكر ترجع لحب قديم او تحاكي حبيب حالي بعد مشاكل فرصة ملائمة بهاليوم

#العذراء

انت ضايج اليوم في شي مو مريحك وجو من التوتر العام يمكن عم ينشغل بالك على حدا من أهلك .. عم تشعر بالمسؤولية عم تكبر عليك حاول تهدى وتكون حكيم وتحل كل شي برواق وبدون انفعال ..

عاطفيا .. حساس زيادة هاليوم ويمكن اي كلمة تأثر فيك خليك بعيد عن الغيرة حتى ماتتعبك ..

#الميزان

أنت امام فرص حلوة قادر اليوم انك تتحرك بحرية اكتر وتكون قادر توصل رأيك بسهولة .. ممكن تسافر او تتلقى اتصالات وممكن تتعامل مع اخوة او جيران يوم داعم استغلو..

عاطفيا .. بامكانك اليوم تطلع مشوار رومنسي وتعزز علاقتك بالشريك وتستفيد من هاليوم ..

#العقرب

اليوم حدد اهدافك وتعامل مع مجريات الشغل بدقة متل عادتك يوم داعم الك وخاصة بالشغل .. وممكن يكون تعاملك بمجال المال تقبض أو تدفع فانتبه لمصروفك بالمجمل ..

عاطفيا .. لاتسمح للملل او البرود يسيطروا على علاقتك بالشريك وحاول تكون قريب منو ..

#القوس

انت أفضل بكتير وعم تستعيد مكانتك اليوم عم تكون الكلمة الك وخاصة بدعم القمر عندك .. وعم تحصل على الطاقة والدعم لتوصل كلمتك انت قادر اليوم تحل مشاكلك وتتغلب على أعداء الك فلا تتردد ..

عاطفيا .. حليان والعيون عليك اذا كنت اعذب بامكان تبدا حب جديد واذا مرتبط بامكانك تعمل خطبة ..

#الجدي

ضايج وعم تسمع خبر مو حلو عم يتأجل عندك موضوع عم تنفعل على حدا غالي وتخسروا فانتبه .. كمان عم تكتشف ناس مو منيحة بحياتك كل هالشي طبيعي بهيك يوم فانتبه وراعي وضعك الصحي بهاليوم ..

عاطيفا .. حاول تكون حذر بتعاملك مع شريكك لأنك ماعم تتحمل كلمة ويمكن تخسر اذا واجهتو او كبرت الأمور ..

#الدلو

رغم الوضع المتعب والتوتر يلي عم تمر فيه يوم منيح اجتماعيا حاول لاتضل لحالك بهاليوم .. وبتلاقي الاعجاب والدعم من الأصدقاء وبكون في مساعدة بأمورك وعندك حلول ممكنة..

عاطفيا .. بسبب التعب يلي عم تمر فيه ماعم تتحمل أي غلط من الشريك لكن في تحسن بعلاقاتك مع الاصدقاء ..

#الحوت

حالة من التوتر عم تعاني منها ضغوطات كبيرة بالشغل لكن في نجاح عندك وخاصة بأنك ذكي وشاطر .. مع هيك لازم تنتبه وخليك قد المسؤولية ولاتخلي حدا يحط عليك كلمة وأمورك رح تكون منيحة ..

عاطفيا .. عم تسعى لتحل المشاكل بس الانفعال عم يخليك متوتر ومو رايق .. 

أعجبني