❤ القمر بينتقل للأسد ♌

#الحمل

يوم حلو فيه كتير اشيا رح تنحل عندك ورح تكون بموقع منيح بالنسبة للناس يلي حوليك .. لاتكون عصبي كتير ولاتخلي كلام الناس يجرحك وحاول تتصرف بذكى وعفوية وصدق متل عادتك .

عاطفيا .. من الايام المميزة يلي انت بحاجة الها لتعزز علاقتك بالحبيب وتصلح الامور

#الثور

يوم للعيلة رح يسيطر عليك التوتر حاول تضبط اعصابك ولاتعمل مشاكل وتخسر حدا قريب منك بسبب عصبيتك .. يمكن مشغول بالك على حدا من عيلتك كون حدو هالفترة وبتشعر بكتير مسؤوليات وضغوط عليك .

عاطفيا .. انت ما عم تتقبل اهمال الحبيب لإلك بس تفهم وضعو وراعي الظروف تبعو .

#الجوزاء

يوم مفيد لإلك للنشاط وللقدرة على دفع مصالحك عندك فرص ممتازة وبتعتمد على مهارتك .. لاتتوقف لان رح تكون قادر تصنع الكتير هاليوم وتصل للتميز بعملك وتنجح دراسيا وتكون مقنع . .

عاطفيا .. في معجبين كتير اليوم وامورك العاطفية أفضل استغلها وتقرب من ناس بتحبن .

#السرطان

يوم عم تدفع وعم تقبض فيه مصاري انتبهلي لمصروفك الزايد واطلب من حدا دين اذا بدك .. وفي عندك مكاسب اليوم اذا ناطر هالشي وبدي منك تنظم حالك ماديا حتى ماتفوت بمأزق . .

عاطفيا .. انتبه لمشاعر الشريك من كلامك وصراحتك وماتكون متسرع ..

#الأسد

يوم بترجع الك فيه الطاقة رح تحس بتحسن وعندك القدرة تنجز كتير من امورك وتصل بهاليوم .. بادر لاي شي حابب تعملو وافرض رايك لان الحظ عم يدعمك وعم تحل المشاكل العالقة وتفتح صفحة جديدة ..

عاطفيا .. وقت مهم لحل مشاكل علاقتك او البداية من جديد وتحسن كبير بوضعك ..

#العذراء

مو مرتاح ووجود القمر بالبيت الأخير رح يتعبك ويفقدك القدرة على انجاز شي فاصبر ولاتتسرع باي قرار .. بدي منك ماتحاول تحسم امورك وارتاح وانتبهلي لصحتك واترك اليوم يمر على خير وانت رح تكون افضل ..

عاطفيا .. تأجيل وعدم رضا عن تصرفات الشريك لاتتسرع بالحكم وخليك حكيم

#الميزان

يوم حلو للعلاقات الاجتماعية لتعزز روابطك ولتلاقي حالك باكتر من مكان وتقدر تلفت النظر .. انت عم تتلقى مساعدة من الأصدقاء ومشرق والعيون عليك وقادر تجذب الناس إلك .

عاطفيا .. بالرغم من بعض المشاكل بالعلاقة بس هاليوم رح يكون في اوقات حلوة ورومنسية.

#العقرب

فترة مهمة كتير فيها متل اختبارات لامكانياتك وعم تعيش حالة من التوتر بالشغل وبتحس في مشاكل ممكنة ..حاول تهدى ورح يكون كل شي منيح وحافظ على سمعتك وطور شغلك وفكر بعيد عن الاستفزاز . .

عاطفيا .. ماعم تفهم الشريك وحاسس انو في شي ماعم يريحك حاول تبعد الشك عنك هالفترة

#القوس

من افضل ايام الشهر عم تعيش فترة حلوة فيها انجاز ونجاح عندك اتصالات كتير .. واحتمال لسفر ومشروع جديد يمكن بس لا تفكر بقصص الماضي وكون ايجابي وتفائل . .

عاطفيا .. خليك واضح بعلاقتك وعبر عن الشي يلي بدك ياه لان الحظ عم يدعمك .

#الجدي

يوم لترجع فيه صورتك الحلوة صلح اخطائك واستعيد ثقة الناس فيك وكون بوضع أفضل .. لاتحاول تجرح حدا بكلامك وتجنب المواجهة وخليك رايق لتقدر تحل المشاكل وتصالح .

عاطفيا .. تشتت وحيرة كبيرة عم تسيطر عليك وماعم تعرف شو بدك وولا شي عم يكمل معك

#الدلو

انت تعبان كتير واي كلمة عم تدايقك حاول تهدى وتعزز شراكتك بالشغل وكون مرن ودبلماسي .. لا تتسرع بالحكم ولاتنفعل او تعصب على حدا لان الحق رح يكون عليك وفرصة لتبدا شراكة جديدة بالشغل .

عاطفيا .. لاتستفز الشريك هاليوم لان انت رح تكون الخاسر حاول تحل المشاكل بهدوء واصبر ..

#الحوت

كتير شغلك بهاليوم عم يتعبك خليك ذكي ونظم وقتك واكلك يعني عندك ورشات وشغل يمكن .. لاتقصر لان الوقت مو معك ابدا وريحلي حالك شوي مشان صحتك ولاتنفعل واهدى ودير بالك عحالك اذا قدرت ..

عاطفيا .. انت بحاجة لدعم الشريك بهالفترة وقدر الامكان لاتعصب عليه وخليك رايق

أعجبني