#برج__الحمل ♈

صديق وفي، حبيب مخلص، احساس كده من الشمخ الجواني، بس لسانه زفر شويه مهو مش ساحر يعني!!! ، بيحب العلاقات تبقى طويله المدي مبنيه على اساس اسمنتي مسلح، محب للحريه، من الآخر هو زي ما قدامك كده لوكشه وحده

 #برج_الجوزاء ♊

هما حلوين جدا بس للاسف الحلو مبيكملش، مجانين شويه لا شويه ايه دنته تسيب المكان وتطلع تجري احسنلك، مود متقلب، يحبك الصبح ويشتمك بليل عادي جداً مفيش مشكلة .

 #برج__الحوت ♓

برج طيب جدا لدرجه انك ممكن تقعد تعيط جنبه كده من الطيبه، بيحب اي حد ف اي وقت وف اي حته ممكن تلاقيه حاضن إشارة مرور، صاحب صاحبه، جدع وممكن يرمي نفسه تحت عربيه بكل رضا نفسي عشانك .

#برج_الاسد ♌

برج الهيبه، برج العلوضعه، برج ايفل، كل الابراج العظيمه هو برج الاسد، عنيف اووي "بصوت الليمبي" لحد اما يحبك لو حبك خلاص كدة انته بقيت من عليه القوم عنده وممكن يقوم ينقطك ف فرحك بنص ثروته 😃😂 .

 #برج__الميزان ♎

اسم على مسمى، برج عقلاني جداً، حكيم جداً مع كل الناس لكن مع نفسه كيس جوافه 😃😂 كمان عايز يعمل 38 حاجة مع بعض ف نفس الوقت لا وايه ينجح فيهم كلهم، إجتماعي جداً لدرجة انه ممكن يبقى انتيم عسكري مرور ف إشارة 😃 .

#برج_السرطان ♋

برج حساس جداً، عاطفي وكيوت ف نفسه، مش عارف هو عايز ايه، هادي وعصبي ف نفس الوقت، بيتحول saة كامل بصفه مستمره من فتره لأخري بسبب او من غير سبب وف نفس ذات الوقت اطيب من اي دبدوب 🐻 😃 .

#برج__الثور ♉

طيب جدا بس لو نطحك نطحه هيوديك السودان، بيفكر كتير، مبيتكلمش كتير، عاطفي لدرجه محزنه، بيتنرفز على اي حاجه ومن اي حاجة مبيعرفش يعيش طبيعي غير لما ياكل، يدور الذمن ويلف وترجع تلاقيه على حطه ايدك زي ما بيقولو .

#برج__القوس ♐

يتبع مبدأ" اخربها وسبها على الله، محب للبهجه والفرفشه، بيضحك على اي حاجة، من اي حاجة، حاصل على جيزه الدوله التشجيعيه ف #النسيان، ف الحب ♥ حبيب حبيب مفيش هزار، مستعجل اوي، مستعجل جداً، مستعجل خالص .

#برج__العقرب ♏

متردد شويه لا شويه كتير عليه ايام ممكن ميبطلش رغي، ايام تانيه فاصل شحن بيتعامل ب لغه الاشارة، يقابل مشاكله بإبتسامه عظيمة ولم يستطع علماء الفلك والفضاء تفسيرها حتى الآن .

#برج__الجدي ♑

صعب شوية، مش تنك بس من بعيد تشوفه رئيس جمهورية ف نفسه، بتلاقيه دايماً مقريف الصبح، متفائل اوي بس متشائم اوي، مليان احساس وحنيه مش ف حد لكن لو قفل من حد انسه انه يسامحه، تتعامل معاه تحس انه ابرد من مصانع التلاجات ال ف الشرق الأوسط، كل دقيقة بحاله تانية خالص

#برج__الدلو ♒

جردل اووي، نفسه فعلاً، واضح وباين من بره كده.... معاه 5 لغات (عربي_انجليزي اساسي_الحب الحقيق _السب والشتيمه) ، الإنتقادات بالنسباله زي دبانه معديه قدام وشه... بيهشها .

#برج__العذراء ♍

يابني كفايه overthinking بقي هتدمر نفسك "بصوت هنيدي" كتله تفكير متحركه، بيفكر قدام، بيفكر ورا، بيفكر يمين ➡، بيفكر شمال 👈 ف الدراسه عنده "مبدأ" يا إما يبقي الاول ع الدفعه يا إما يبقى حمار ومش بیفهم

أعجبني