❤ القمر مكمل ببرج الجدي ♑ الزهرة عم تنتقل للحوت ♓

#الحمل

انت بوضع مو كتير عم تتعرض للملامة وممكن يكون في تغيير بعملك بدك تنتبه وتكون جاهز لاي شي وخاصة انو في البعض من يلي حوليك عم يشككو بقدراتك مشان هيك تصرف بهدوء ودقة لتمر ولاتعصب ..

عاطفيا .. مو مرتاح وعم تحس بالقلق من مستقبل العلاقة وهالشي عم يأثر على نفسيتك .. الزهرة في الحوت .. بتكون عواطفك عم تميل لمساعدة غيرك ويمكن يكون الحب عندك ضمن علاقات سرية مابدك انو تظهر للعلن

#الثور

اخيرا عم ترتاح من الضغوط يلي مريت فيها وعم تتحسن الأمور عندك فرصة مهمة للسفر او حتى التعامل مع ناس من برا البلد وتعلم اشيا جديدة بحياتك ..

عاطفيا .. عم ترجع العلاقة شوي شوي مع الشريك وعم يكون عندك اوقات رومنسية اليوم الزهرة في الحوت .. بتخليك ودي أكتر وخاصة مع الأصدقاء وبتزيد شعبيتك وبتلاقي دعم من كتير من الاصدقاء ومساعدة كمان ..

#الجوزاء

يوم بتفرج عليك وبتحس براحة فلا تترك الفرصة لحدا يستفزك ويأثر عليك وعندك فرص مالية ممكنة وتحسن بوضعك ..

عاطفيا .. تعامل بطريقة ايجابية مع محيطك واستقبل الحب بهدوء لأن ممكن يكون في شي حلو عاطفيا بس خفف انفعالك الزهرة في الحوت .. بيت الانجاز والتقدم بالعمل .. فرصة مهمة لتحسين وضعك ومستواك المهني وانو تصل لمراكز متقدمة بشغلك ودراستك ..

#السرطان

عم تعاني من توتر كبير عم يأثر على حياتك ويحطك تحت ضغوط هائلة عم تدفعك للانفجار بوجه يلي حولك هاليوم انتبه وخليك رايق وعزز علاقاتك دون مشاكل ..

عاطفيا .. مابعرف اذا الظروف عم تسير لنهاية علاقتك اليوم كون منتبه وابتعد عن المواجهات الزهرة في الحوت .. رح يزيد جمالك و فرصة ملائمة لسفر بعيد وممكن تتعرف على شخص غريب وحب من بلد جديد ورح تزيد فرصة تعلم شيء جديد والامور الفلسفية والدينية رح يكون عندك المام فيها ..

#الأسد

انت قدام شغل كتير وتعب ورح تتعرض للملامة فوق هيك ماحدا عم يقدر وضعك ولا عم يفكر يساعد بدي منك تنتبه اكتر شي لصحتك وتهدى وتنظم شغلك ووقتك ..

عاطفيا .. عم تكون ضايع وبدك تستقر بس ماعم تعرف تصل لهالشي كون ايجابي وبلا عصبيتك .. الزهرة في الحوت .. بتستفيد من امور مالية من ارث او قصة شراكة وممكن انو تفكر بعلاقات متنوعة مع الجنس الآخر و تحسن رح يكون عندك وارتفاع بالطاقة ..

#العذراء

يوم مهم وحلو بيحملك حظوظ وفرص مهمة واخبار حلوة رغم الاجواء السلبية يلي كانت حاول تطلع من وضعك وتحسن بأمور وكل شي رح يكون افضل ..

عاطفيا .. بتفكر اليوم تتقرب من الشريك وترجع العلاقة معو وهاد افضل شي بتعملو والحظ معك الزهرة في الحوت .. فترة مهمة ومناسبة للزواج للي بدو هالشي د و ممكن انو يكون عندك شراكات جديدة بالعمل ..

#الميزان

عم تشغلك قصة عائلية بتخص يمكن احد الاهل او عم تفكر ببيتك بس ابدا مو مرتاح والتوتر كتير زاعجك وبدك تلاقي حل بسرعة حتى ماتكبر المشاكل حوليك ..

عاطفيا .. لاتنطر شي من حدا حاول تدرس حبك منيح وخلي قراراتك بالحب تكون مبنية على العقلانية هالفترة .. الزهرة في الحوت .. رح يتحسن وضعك الصحي هالفترة و ممكن انو يكون في جانب من خبرتك بالعمل وتكون ملفت لزملائك ..

#العقرب

كل شي عم تعاني منو اليوم بيتغير وبيعطيك مجال للحركة وتمشي امورك افضل وبتحس بدعم الحظ الك من جديد ممكن تتلقى اتصالات تفرحك وتفكر بسفرة قصيرة ..

عاطفيا .. غير جو مع الشريك وعزز علاقتك معو حتى تطلع من جو الوحدة .. الزهرة في الحوت .. فترة حلوة الك مدعوم فيها بالحظ والعيون عليك ومن الممكن انو تتم خطبة وتستمتع بالحب وتتقرب من الطرف الثاني ..

#القوس

عم تفكر بس بالمصاري يمكن صرفت كتير وماضل معك وهالشي بحطك بوضع محرج فيك تطلب دين وممكن تجيك دفعة مصاري من شراكة فلا تخاف ..

عاطفيا .. انت محتار بعلاقتك وهالشي طبيعي خاصة اذا الشريك مو مهتم الزهرة في الحوت.. هي الفترة فرصة لتصليح الامور العائلية وتحسين الوضع بالمنزل و ممكن انو تطفي الحب على عائلتك جو من الالفة وتحل المشاكل الموجودة ..

#الجدي

انت بوضع متقلب وعم بيمنحك القمر الطاقة والقوة بس بدك تنتبه من بعض المشاكل مو كل شي متل مابدك بدي ياك هادي وتغير بحياتك للافضل بهاليوم وتبدا من جديد بصفحة جديدة وروح جديدة ..

عاطفيا .. اخبار حلوة رح تسمعها ممكن يحكيك الشريك بعد فترة غياب اذا ناطر هالشي .. الزهرة في الحوت .. كثير الحركة والاتصالات وعم يكون الك سحر خاص هالفترة وجاذبية وممكن انو تسافر لاماكن قريبة ..

#الدلو

يوم متعب عندك و مافي شي عم يريحك عم تفقد الأمل وتحس بالخيبة حاول تطلع من حالتك وتفكر انو يوم وبمر وانتبه لصحتك ولاتكبر القصص ..

عاطفيا .. اهدى وساير وماتسأل شو ماصار بهاليوم بدي منك تكون اقوى من الظروف وتفكر بيلي جاية لان رح يتحسن وضعك كتير قريبا الزهرة في الحوت .. مبلغ مالي بطريقهطو الك وفرص حلوة ومن الممكن انو تصرف كثير من المال على شكلك وجمالك ..

#الحوت

حالة اجتماعية عم تعيشها حاول تستفيد من دعم الاصدقاء الك وتزيد شعبيتك ابتعد عن البقاء وحيد وشارك حتى تحصل على نهار مميز ..

عاطفيا .. يوم حلو بيحملك اعجاب من الجنس الآخر وصداقات اكبر وتطورات حلوة الزهرة في برجك .. بيزداد جمالك وشعبيتك وطاقتك ورح تكون قادرا على التأثير بالجنس الآخر وانو تمتلك كل مقومات السحر هذه الفترة 

أعجبني