❤ القمر مستمر ببرج العقرب ♏

#الحمل

ممكن هاليوم تكون بحاجة مصاري وحاسس بانك بمأزق مالي روق وفتش عن موارد جديدة .. هالشي ممكن يحصل من شراكة او ميراث لكن خليك منتبه لمصروفك حتى مايزيد اكتر وحتى ممكن تحل قصة قانونية او قضائية ..

عاطفيا .. عم تفكر بشخص وعم تحاول تلاقي طريقة للصلح لكن صعب تكون المبادرة منك ..

#الثور

اجواء مشحونة عم تكون عم تخليك بكتير اوقات منفعل وعليك ضغوط كبيرة .. لكن حاول قدر الامكان تساير لان رح تخسر مواجهتك مع اي شخص بالرغم انو ممكن تتم عقد ويكون يوم ايجابي عندك ..

عاطفيا .. انت امام حب جديد او بداية ارتباط اذا كان وضعك بيسمح وغير هيك اذا انت مرتبط انتبهلي لعلاقتك ولاتكبر المشاكل ..

#الجوزاء

بتبدا نهارك بتعب صحي وبتشعر بانك مرهق حتى الشغل بيتراكم فجأة عليك وبتزيد المسؤوليات .. لاتخاف حاول تنهي الضروري وراعي وضعك الصحي وكل شي رح يكون منيح ..

عاطفيا .. استخدم عقلك لتوجه قلبك باتجاه المكان الصحيح والامن حتى ما تتعب اكتر ..

#السرطان

يوم للمتعة والاجواء الحلوة يمكن عم تلاقي حالك بوضع افضل واخبار حلوة ممكن تسمعها .. وكمان عندك فرص عم تدق بابك وقادر تحصل على اوقات ممتعة بهاليوم ..

عاطفيا .. اذا مرتبط فيوم ايجابي الك واذا اعذب فرصة لتلاقي حب جديد ..

#الأسد

انت بالك مشغول بقصص البيت واهلك خاصة وهالشي بخليك متوتر وموورايق .. حاول تهدى وتحل الامور بدون حساسيتك الزايدة لان لازم تكون قوي ..

عاطفيا .. مابعرف اذا الحب عندك الو علاقة بمشكلة مع الاهل بس انتبه وخليك بعيد عن المشاكل ..

#العذراء

يوم من الايام الايجابية يلي قادر فيها تقنع وتوصل رأيك في فرص لسفرة قصيرة او مشوار مع شخص معين .. كمان بتقدر تتحرك بحرية اكبر بهاليوم وانتبهلي من حوادث السير واعطال الموبايل عندك ..

عاطفيا .. استجابة الشريك عم تكون بطيئة وهالشي عم يخليك متوتر لكن يوم مميز اذا بدك تلتقي فيه ..

#الميزان

عم تناقش بداية شغل جديد ووضعك المالي بحاجة لاعادة ترتيب وهالشي بخليك اليوم تكون دقيق حتى ما تخسر .. وبتميل للكسل وبتحب النوم زيادة وعندك قبض مبلغ مالي هاليوم اذا بدك ..

عاطفيا .. الامور العاطفية ماعم تكمل معك لكن انتظر ولا تتسرع كل شي رح يكون منيح ..

#العقرب

القمر عندك يعني طاقة التغيير المناسبة وقدرة على ايجاد الحلول واعادة الثقة مع محيطك رغم انك مو مرتاح بالشكل الكافي .. و حتى عندك عائليا امور مؤقتة لاتخاف ويوم داعم الك باي شي جديد بدك تعملو فلا تحملها زيادة ..

عاطفيا .. انت مشرق وجاذبيتك عالية والعاطفة كمان فخليك مع التجديد بحب اذا اعذب او اصلاح امور العلاقة اذا مرتبط ..

#القوس

حالة من القلق والضجر عم تعيشها وبتشعر انو الامور سيئة خليك بعيد عن الوحدة وكل شي رح يصير افضل .. بدي منك بس تصبر وخليك مرن بالتعامل قدر الامكان ولاتستفز المحيطين الك هاليوم ولاتخالف القوانين ..

عاطفيا .. لاتسمح للمشاكل الصغيرة تخرب حب كبير ولاتستفز الشريك لان ممكن هالشي يزيد الامور سوء ..

#الجدي

انت بحال افضل من ناحية الصداقات والدعم الايجابي يلي عم يقدموه الك هالفترة .. بالمجمل مارح قلك اطلب مساعدة لانك مارح تطلب لكن حاول تستفيد من وجودن معك ولاتضل لحالك وخليك حذر بشغلك ..

عاطفيا .. انت عم تمتلك الجاذبية بهالايام حاول تستغل هالشي ولا تفكر بالخسارة العاطفية لان يلي بيتركك هو يلي رح يخسر ..

#الدلو

من الايام المهمة يلي عم تحدد فيها موضوع او قصة مهمة بحياتك .. مشان هيك لازم تنتبه وتستغل الفرص بعيد عن المشاكل يلي ممكن تحصل لان في ناس ناطرتك على غلطة ..

عاطفيا .. خليك هادي وماتحاول تخلي الشريك يتعبك انت مو ناقصك لان ..

#الحوت

بعرف انك مو مرتاح وبراسك ألف قصة لكن يوم من الايام الايجابية والمساعدة الك مارح قول لتحل كل شي لكن لتخلص من بعض الامور .. وفرصة لتتعرف على ناس جديدة وتبدا قصة جديدة بحياتك وتكون بوضع مريح الك ..

عاطفيا .. انت مدايق من بعض تصرفات الشريك وهالشي عم يعمل حساسية بيناتكن انا برايي تصارح الشريك وتفهم غلطو ..

أعجبني