❤ القمر مستمر بالميزان ♎

#الحمل

شراكات وارتباط ممكن .. متوتر اليوم وعم تركز على امور الشراكة ممكن يكون عندك عقد او مشروع مشترك مع حدا .. لاتخلي المسؤوليات توترك انت بحاجة للتركيز والهدوء وعدم التسرع حتى تنجح..

عاطفيا .. انتبه لمشاعر الشريك وخليك رايق ولاتعصب على اصغر الامور واذا عم تفكر بخطبة يوم مناسب ..

#الثور

وضع صحي وتراكم بالشغل عليك .. مرهق بس اهم شي اليوم لاتخلي الشغل يتراكم عليك وانت قادر تنجز الكتير .. نظم وقتك وارتاح ولاتفقد تركيزك وانتبه لصحتك ولاتهملها وفترة وبتكون افضل ..

عاطفيا .. ممكن يساعدك الحبيب ويساهم براحتك هالفترة رغم انك عم تحس بالأهمال من ناحيتو ..

#الجوزاء

رومنسية وحظوظ ناطرتك .. استفيد من هاليوم ومن الفترات الحلوة كتير والحظوظ داعمة وبقوة .. عم تفكر بانك تتقرب من ناس غاليين عندك لاتتردد ولطف الاجواء واستغل هاليوم وعزز وضعك ..

عاطفيا .. امورك تمام عم تسحر بحضورك اليوم بس في قلق جواتك وضغط مخبى ..

#السرطان

قلق على الأهل والعيلة .. مسؤوليات وعيلة وبيت هيك انت اليوم خليك هادي وخاصة مع عيلتك .. تفهم الامور بعقل وحاول تحلها ولاتتسرع بالحكم ولا تعند وعندك تعاملات عقارية اذا بدك ..

عاطفيا .. عم تحس بانو الحبيب بعيد عنك هاليوم ومدايق كتير من هالشي ..

#الأسد

حركة سفر وتواصل واقناع .. نشيط اليوم اتصالات وسفر يمكن عم تجتاز اختبارات صعبة .. وعندك سرعة بديها وقادر على انجاز الكتير من شغلك وتصل لأماكن متقدمة بعملك ..

عاطفيا .. فرصة منيحة اذا حابب تقضي وقت حلو او تلاقي الاعجاب من حدا ..

#العذراء

امور مالية عم تشغلك .. يوم للمال مكاسب او خسارة انتبه لمصروفك واطلب مساعدة اذا احتجت اليوم .. وحاول تدفع بأمور الشغل عندك وممكن يجيك مبلغ مالي منيح ..

عاطفيا .. انت محتار وعم تحس انك ماعم تلاقي الشخص المناسب و مو راضي عن شي انتظر الفرصة المناسبة ..

#الميزان

طاقة وحظ وانفراج .. انت افضل وعم ترتاح اليوم بتكون مميز و عندك انفراج وابدأ بخطوات جديدة الحظ معك وبيدعمك .. وعندك تغييرات مناسبة اذا بدك وعم ترجع ثقة الناس فيك وتكون بوضع جديد لتغير امورك للافضل ..

عاطفيا .. بكفي تعب انت بحاجة لحب جديد حتى يغير حياتك ويعطيك العاطفة يلي انت بدك ياها ..

#العقرب

عرقلة وتأجيل بوضعك .. حاول تكون بعيد عن الاجواء المشحونة وروق قدر الامكان لأنك عم تمر بفترة متعبة مافييها حظوظ .. حاول ترتاح وانتبهلي لصحتك ولا تفوت بمشاريع جديدة حتى ما تخسر وانتظر يمر هاليوم على خير ولاتحاول تحسم شي ..

عاطفيا .. مدايق لان عم يستغل الشريك ظروفك الصعبة حتى يحسسك بالضعف والحاجة هالفترة وعم تعتب على كتير ناس حوليك ..

#القوس

يوم اجتماعي وصداقات .. انت قدام يوم اجتماعي عندك عم تلتقي رفقاتك وتشارك بفعاليات مهمة .. كمان عم تهتم لحدا بيقربك وعم تحس براحة اليوم وعم يساعدك صديق فلا تتردد بطلب المساعدة اذا احتجت ..

عاطفيا .. فرصة مناسبة لترجع العلاقة لمسارها الطبيعي وتحس بالاهتمام من الشريك بس انتبه من المشاكل

#الجدي

عمل واختبار مهم .. انتبه لشغلك وكمان اليوم بدك تخففلي عنادك وتحافظ على سمعتك بالشغل وعلاقتك بالمسؤولين .. تصرف بهدوء وانجز شغلك بدون مشاكل ونرفزة وحاول تكون ذكي ومنتبه لتحصل على رضا المسؤولين عنك ..

عاطفيا .. الشريك تعب من مشاكلك مع انو لازم يكون حدك وهالشي عم يزعجك

#الدلو

سفر وتواصل وعلاقات جديدة .. انت امام يوم بترتاح فيه من الضغط وبتكتر عندك الاتصالات .. وفي احتمال سفر الظروف ملائمة لورشة شغل او عمل جديد اذا بدك ..

عاطفيا .. عم تفكر باحبابك اليوم وفي اخبار حلوة جاية وانت عم تحل مشاكلك

#الحوت

أمور مالية وحلول . . افضل اليوم عم تبلش امورك تنحل خليك هادي ومتسامح .. وفي عندك فرصة لمكسب مادي وخليك واعي لتصرفاتك وانتبه من الناس يلي حوليك كمان ..

عاطفيا .. انت بحاجة لحدا يفهمك ويكون حدك بهالفترة لان ماحدا عم يعرف يتعامل معك .

أعجبني