♒ القمر بيستقر بالحوت ♓

#الحمل

ضايج وعم تسمع خبر مو حلو عم يتأجل عندك موضوع عم تعصب على حدا غالي وتخسروا فانتبه .. و عم تكتشف ناس مو منيحة بحياتك كل هالشي طبيعي بهيك يوم فانتبه وراعي وضعك الصحي بهاليوم ..

عاطيفا .. حاول تكون حذر بتعاملك مع شريكك لأنك ماعم تتحمل كلمة ويمكن تخسر اذا واجهتو او كبرت الأمور .. الشمس مع الزهرة بالدلو بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

#الثور

رغم الوضع المتعب والتوتر يلي عم تمر فيه يوم منيح اجتماعيا حاول لاتضل لحالك بهاليوم .. وبتلاقي الاعجاب والدعم من الأصدقاء وبكون في مساعدة بأمورك وعندك حلول ممكنة..

عاطفيا .. بسبب التعب يلي عم تمر فيه ماعم تتحمل أي غلط من الشريك لكن في تحسن بعلاقاتك مع الاصدقاء .. الشمس مع الزهرة بالدلو بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

#الجوزاء

حالة من التوتر عم تعاني منها ضغوطات كبيرة بالشغل لكن في نجاح عندك وخاصة بأنك ذكي وشاطر .. مع هيك لازم تنتبه وخليك قد المسؤولية ولاتخلي حدا يحط عليك كلمة وأمورك رح تكون منيحة ..

عاطفيا .. عم تسعى لتحل المشاكل بس الانفعال عم يخليك متوتر ومو رايق .. الشمس مع الزهرة بالدلو بتعطيك فرص سفر وبدايات جديد لشغل او علم وكمان بتتعرف على ناس جديدة وبتكون حال أفضل على كل الأصعدة ..

#السرطان

انت افضل عم تطلع من الأجواء السلبية يلي لازمتك الاسبوع الماضي وعندك الحلول .. خليك واثق من حالك وغير الأمور لصالحك فرصة لتسافر وتعمل شي كتير حلو ..

عاطفيا .. عم تشعر بالحب وعم تسمع خبر حلو اليوم حاول تعيش رومنسيتك لأن الاجواء داعمة.. تواجد الشمس والزهرة بالدلو بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

#الأسد

عم تناقش أمور مالية بتخص شراكة وعم تحس حالك افضل لكن في استفزاز كبير من المحيطين الك .. حاول تكون متفهم للشريك وحاول تفكر بحل للمشاكل يلي كانت الفترة الماضية ..

عاطفيا .. لازم تعيد حساباتك وتفكر أكتر بالحب إذا كان عم يريحك ولا عم يتعبك وتحل المشكلة .. الشمس مع الزهرة بالدلو بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..

#العذراء

حاول اليوم بدل ما تتوتر وتعصب على يلي معك تفوت شراكة مع حدا بمشروع مشترك أو عقد حتى خطبة كتير ممكن .. وابتعد عن انفعالك وحاول ماتكون مستفز وحاول تقرب وجهات النظر وحتى تساير قد مافيك ..

عاطفيا .. لاتحاول تحط اللوم على الشريك انتبه لتصرفاتك وحل الأمور بهدوء حتى ماتكبر .. الشمس مع الزهرة بالدلو بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

#الميزان

رح تشعر بتزايد المسؤولية شغل كتير ووقت قليل حاول ما تتكاسل بهاليوم حتى تلحق .. واذا لقيت حالك تعبان صحيا اكتفي بالأعمال الضرورية وممكن الأهمال رح يعرضك للمسائلة فانتبه وخاصة دراسيا ..

عاطفيا .. لاتسمع لكلام الناس وحاول تبحث عن الحب يلي بريح قلبك وعقلك وخليك مرن بتعاملك .. الشمس مع الزهرة بالدلو بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

#العقرب

يوم بيحملك فرصة مهمة ممكن تكون مو ناطرها أو حل لموضوع كان شاغلك .. من الأيام الحلوة بهالفترة الصعبة فحاول تستغل كل دقيقة فيه وممكن تسمع كلام حلو عنك ..

عاطفيا .. عم تفكر ترجع لحب قديم او تحاكي حبيب حالي بعد مشاكل فرصة ملائمة بهاليوم الشمس مع الزهرة بالدلو بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

#القوس

انت ضايج اليوم في شي مو مريحك وجو من التوتر العام يمكن عم ينشغل بالك على حدا من أهلك .. عم تشعر بالمسؤولية عم تكبر عليك حاول تهدى وتكون حكيم وتحل كل شي برواق وبدون انفعال ..

عاطفيا .. حساس زيادة هاليوم ويمكن اي كلمة تأثر فيك خليك بعيد عن الغيرة حتى ماتتعبك .. الشمس مع الزهرة بالدلو بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

#الجدي

أنت امام فرص حلوة قادر اليوم انك تتحرك بحرية اكتر وتكون قادر توصل رأيك بسهولة .. ممكن تسافر او تتلقى اتصالات وممكن تتعامل مع اخوة او جيران يوم داعم استغلو..

عاطفيا .. بامكانك اليوم تطلع مشوار رومنسي وتعزز علاقتك بالشريك وتستفيد من هاليوم .. الشمس مع الزهرة بالدلو بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

#الدلو

اليوم حدد اهدافك وتعامل مع مجريات الشغل بدقة متل عادتك يوم داعم الك وخاصة بالشغل .. وممكن يكون تعاملك بمجال المال تقبض أو تدفع فانتبه لمصروفك بالمجمل ..

عاطفيا .. لاتسمح للملل او البرود يسيطروا على علاقتك بالشريك وحاول تكون قريب منو .. الشمس مع الزهرة عندك بتساعدك وبتعطيك بدايات جديدة وحظوظ وطاقة لتطلع من تعبك وبتحلى وبتزيد جاذبيتك وبتفرج عليك بعد شهر تعبك كتير فانتظر هالشي ..

#الحوت

انت ذكي وعم تستعيد مكانتك اليوم عم تكون الكلمة الك وخاصة بدعم القمر عندك .. وعم تحصل على الطاقة والدعم لتوصل كلمتك انت قادر اليوم تحل مشاكلك وتتغلب على أعداء الك فلا تتردد ..

عاطفيا .. حليان والعيون عليك اذا كنت اعذب بامكان تبدا حب جديد واذا مرتبط بامكانك تعمل خطبة .. الشمس مع الزهرة بالدلو بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

أعجبني