❤ #أمنية_برج_الحمل ♈

عانى الحمل بالسنين الأخيرة من الأحساس بالقيود وما امتلك الحرية الكافية ليسافر او ليعمل شي بحياتو وأمنية الحمل يكون مرتاح حر بعيد عن الضغوط ويعيش ويسافر والسنة رح تكون هيك وخاصة بالنصف التاني منها ورح تحمل الك ياحمل ارتياح كبير ..

❤ #أمنية_برج_الثور ♉

احساس الثور بانو الحظ ضدو كان ملازمو باخر كم سنة وكان دايما عم يبحث عن موارد مالية خاصة وماعم يلاقي .. فكانت امنيتو على السنة الجديدة بيت جديد وسيارة ومصاري يأمن حالو فيها وهالشي رح يتحقق انشالله مع نهاية السنة ..

❤ #أمنية_برج_الجوزاء ♊

عاش الجوزاء بآخر كم سنة حالة من التوتر والضغوطات كانت رح تعملوا مرض نفسي وامنيتو على السنة الجديدة انو يخلص بقى من هالحالة ويحل مشاكل الشراكات يلي ماعم يعرف سبب النحس يلي لاحقوا فيها وبطمنك انو سنة فيها استقرار اكتر وراحة على صعيد شراكاتك ..

❤ #أمنية_برج_السرطان ♋

اكتر الأشياء يلي كانت عم تزعج السرطان بالسنوات الأخير هو الوضع الصحي والخيبات المتتالية مشان هيك كانت امنيتو بالسنة الجديدة الصحة وانو يكون بوضع أفضل على الصعيد العاطفي خاصة وهالشي رح يكون موجود على السنة الجديدة ..

❤ #أمنية_برج_الأسد ♌

الأسد ملك العاطفة يلي كان دايما متفوق بعلاقاتو العاطفية والحب لكن السنين الماضية ماكانو هيك وكان في جفاف عاطفي فأمنيتو أنو تتغير هي الحالة ويرجع يحس بمحبة وتقدير الناس الو وطبعا حاليا هو رح يكون بوضع أفضل عاطفيا وعلاقاتو مارح تنتهي فجأة متل قبل ..

❤ #أمنية_برج_العذراء ♍

مشاكل كتير وقصص اثرت على استقرار حياة العذراء وخاصة الأمور يلي بتخص البيت والعيلة وامنيتو يلاقي حالو مرتاح مع أهلو بهالسنة وحتى بشغلو انو يكون في تحسن وهالشي رح يكون موجود وراحة كبيرة على صعيد البيت والشغل عندك يا عذراء ..

❤ #أمنية_برج_الميزان ♎

يمكن الميزان برحلة دائمة كان بالسنوات الأخيرة عن أشخاص بيستحقوا الثقة وللأسف دايما كان يخيب ظنو وأمنيتو انو يحل مشاكلو ويلاقي ناس صادقين بيستحقوا الثقة والوفاء وهالشي رح يكون مع السنة الجديدة ورح تقدر تتواصل مع الناس براحة وصداقات أكبر ..

❤ #أمنية_برج_العقرب ♏

شك وحيرة وقلق لازمت العقرب بالسنوات الأخيرة ماحدا من يلي حوليه عم يريحو والكل عم يكون ضدو حالة نفسية مزعجة كانت وحتى ماليا كتير ضاقت عليه فأمنيتو السنة يلاقي الأمان والمال يلي بساعدو ليكمل حياتو مرتاح ورح يكون هالشي بسنة بتشهد تغييرات كبرى ..

❤ #أمنية_برج_القوس ♐

عاش القوس سنوات من الضغوطات النفسية والتعب وحس بأنو بامتحان طويل كتير وكانت العقوبات صعبة كتير عليه فامنيتو السنة انو يطلع من هالحالة ويرجع طير حر بدون اي مسؤوليات اضافية ويعمل كل شي بعفويتو المعتادة وهالشي رح يكون بهالسنة لكن مع اعادة حسابات وتصفية الكتير من يلي حوليه ..

❤ #أمنية_برج_الجدي ♑

تغييرات كبيرة حصلت عند الجدي وخلتو يفوت باوقات كتير صعبة ويمكن لو ماكان قد حالوا كان وضعوا اسوأ بكتير فأمنيتو هالسنة انو يرجع مكانتو ويقدر يلاقي الطريق الصح للهدف يلي عم يطمح الو وانو يخلص من هالتغيير المزعج وهالشي رح يكون الك لكن بالتدريج وتحسن قادم ..

❤ #أمنية_برج_الدلو ♒

عانى الدلو بالسنين الأخيرة من المجتمع فكان كل مايعمل شي جديد يلاقي النقد وكتير اصدقاء ماكانوا محل ثقة فعاش اوقات صعبة وخيبات كبيرة فامنيتو السنة انو الناس تفهمو وتساعدو بدل ما تحط العوائق بدربو وهالشي رح يكون لكن بضل في ناس مابتريد الخير حتى لحالها فلا تزعل يا دلو ..

❤ #أمنية_برج_الحوت ♓

وما اكتر حكي العالم كان عليك ياحوت والناس يلي حاولت توقعك وتنتقدك وتشوه سمعتك بالسنين الماضية فامنيتك انك بس تصل للنجاح يلي بتطمح الو وتفرجي العالم انك قادر تصل وعندك كل المقومات وهالشي رح يكون بس انت خليك قوي وانتظر تحسن كبير عندك ..

أعجبني